Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ok er þeir sigldu af landinu,
féll snær mikill á fjöll,
ok fyrir þat kölluðu þeir
landit Snæland. Þeir lofuðu
mjök landit. Þar heitir
nú Reyðarfjall á Austfjörðum,
er þeir böfðu at komit.
Svá sagði Sæmundr prestr
enn fróði.
þeir sæi nokkorar manna
vistir eða reyki, ok sá þeir
ekki tíðinda. En er þeir
sigldu frá landinu, féll snjór
mikill; af því kallaði hann
Snæland.
Um Garðar segir svo i Sturlubók:
Maðr hét Garðarr Svavarsson,
sænskr at ætt; hann
fór at leita Snælands at
tilvísan móður sinnar
framsýnnar; hann kom at landi
fyrir austan Horn it eystra;
þar var þá höfn. Garðarr
sigldi umhverfis landit, ok
vissi at þat var eyland.
Hann var um vetr norðr
í Húsavík á Skjálfanda ok
gjörði þar hús. Um várit,
er hann var búinn til hafs,
sleit frá honum mann á báti,
er hét Náttfari, ok þræl ok
ambátt. Hann bygði þar
síðan er heitir Náttfaravík.
Garðarr fór þá til Noregs,
ok lofaði mjök landit. Hann
var faðir Una, föður Hróars
Tungugoða. Eptir þat var
landit kallat Garðarshólmr,
i Hauksbók:
Garðarr hét maðr, sun Svavars
hins svænska. Hann
átti jarðir i Sjólandi, en var
fœddr í Svíaríki. Hann fór
til Suðreyja at heimta
föðurarf konu sinnar. En er
hann sigldi í gegnum
Pettlandsfjörð, þá sleit hann
undan veðr, ok rak hann vestr
í haf. Hann kom at landi
fyrir austan Horn; þar var
höfn. Garðarr sigldi
umhverfis landit, ok vissi at
þat var eyland. Hann kom
á fjörð þann, er hann
kallaði Skjálfanda. Þar skutu
þeir báti ok gekk á Náttfari
ok þræll hans. Þá slitnaði
festin, ok kom hann í
Náttfaravík fyrir utan
Skuggabjörg. En Garðarr kom öðru
megin fjarðarins ok var þar
<< prev. page << föreg. sida << >> nästa sida >> next page >>
