Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
með klerkum þeim, sem híngað komu, einkum um daga
Ísleifs biskups. Auk þess komu hingað stöðugt útlendingar
með verzlunarskipum til landsins, því samgöngurnar
við útlönd voru mjög fjörugar, eins og fyrr hefir verið
frá sagt. Í íslenzkum fornum lögum er tekið tillit til
útlendinga frá ýmsum löndum, er komið geti til Íslands, [1]
og auk Norðmanna, sem voru daglegir gestir á Íslandi,
er í sögunum getið um menn frá Hjaltlandi, Orkneyjum,
Írlandi og Suðureyjum, og með Snorra Sturlusyni var,
Herburt suðurmaður (Þjóðverji), er »kunni allra manna
bezt vit buklara«. Nokkrir hinna útlendu presta, sem
komu til Islands, eru nefndir í Íslendingabók: [2] »Um
daga Ísleifs biskups komu út biskupar af öðrum löndum
ok buðu margt linara en Ísleifr biskup; urðu þeir því
vinsælir við vonda menn, þar til at Aðalbertus erkibiskup
sendi bréf til Íslands ok bannaði mönnum alla þjónustu
af þeim at þiggja, ok kvað suma vera bannsetta,
en alla í óleyfi sínu farit hafa«. Sumir af klerkum
þessum hafa líklega verið hálfgerðir flakkarar, eins og þeir
fimm, sem Ari fróði segir, að hafi sagzt vera biskupar,
»Örnólfr ok Goðiskálkr ok iii ermskir, Petrus ok Abraham
ok Stephanus«; um þessa lygabiskupa er líka talað
í Hungurvöku. [3] Sjálfsagt hafa fleiri útlendir kennimenn
hingað komið en þeir, sem nefndir eru, því margir klerkar
og munkar reyndu i þá daga að afla sér frama og
heilagleiks, með því að boða trú í fjarlægum heiðnum
löndum; líklega hafa nokkrar fregnir um Ísland borizt
til útlanda með þessum mönnum. Í gömlu þýzku kvæði
frá 11. öld er getið um Reginpreht, sem á að hafa
komið til Íslands; höfundur kvæðisins segist hafa komið til
Utrecht og hitt þar Reginpreht biskup, og hefir hann
eptir honum það, sem hann segir um Ísland. [4] Á Íslandi
er, segir hann, nóg af korni og víni (líklega aðfluttu), en
<< prev. page << föreg. sida << >> nästa sida >> next page >>
