Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hínir ýmsu partar jökulsins hafa mismunandi hraða; þá
mjakast grjót og möl að neðan upp eptir, og sjást opt
grjótrákir á yfirborði skriðjökla, sem eru komnar neðan frá
botni; í hliðarsprungum sjást stundum grjótrákirnar á leið
upp eptir. Ef einhver hlutur dettur ofan í jökulsprungu,
getur hann því seinna komið fram á yfirborði jökulsins
neðar, og hefir þá mjakazt hægt og hægt upp í gegn um
jökulinn. Þetta þekkir alþýða vel, þar sem skriðjöklar
eru nærri byggð, og Saxó hefir eflaust heyrt sagnir þar
að lútandi frá Íslandi. [1] Ölkeldurnar eru auðþekktar; en
undarlegri er frásögnin um steina, sem geta flogið yfir
fjöll. Ætli hér geti ekki verið einhver óljós hugmynd
um grjótflug í eldgosum?; það sést jafnvel í fornum
íslenzkum annálum, að Íslendingum sjálfum hefir þótt
kynlegt að sjá steina hoppa upp og niður í eldinum; sumir
héldu, að steinarnir væru fuglar, og aðrir jafnvel, að það
væri sálir. Það er ekki ómögulegt, að Saxó hafi haft
einhverja slíka óljósa frásögn í huga, er hann skrifaði
þetta.
I gamalli latneskri bók um sögu Noregs, sem fundizt
hefir á Skotlandi, er Íslands getið. Þar er fyrst talað
um fund Íslands og landnám, og sagt, að Rómverjar hafi
kallað eyna Tíle. Höfundurinn segir, að eyjan dragi nú
nafn af því, að þar séu fjölda margir jöklar og sjáist
þeir langt af sjó, svo sæfarendur geti haft þá til
leiðbeiningar til þess að komast í hentuga höfn; þar er
Casule-fjall (Hekla), [2] segir hann; skelfur það af
jarðskjálftum eins og Etna og þeytir úr sér brennisteinslogum; þar
eru sjóðandi uppsprettur; veita menn köldu vatni í þær,
svo þær verði mátulega heitar, og baða sig svo í þeim;
þar eru líka brunnar þess eðlis, að ef ull eða fat liggur
í þeim eina nótt, verður það að steini. Þar er einnig
bullandi uppspretta í sendinni árbugðu, sem hefir sama
<< prev. page << föreg. sida << >> nästa sida >> next page >>
