Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
154
sé í sveit komið, þá talar höf. um vatn þeirra og gerir ýmsar
kemískar tilraunir til þess að komast eptir eðli þess, og skýrir
loks frá verkunum vatnsins til lækninga, og er það alllangt
mál. Arið 1673, 9. ágúst, ritar síra Þorkell um
brennisteins-námurnar í Krísuvík og lýsir þeim vel; þar er hátt fjall segir
hann, og við rætur þess og í hlíðunum að austan er lifandi
brennisteinn, sem orðið hefir að gufu við eldinn neðanjarðar,
en sezt úr gufunni, er hún snertir hið kalda lopt; þar sem
dýpra er grafið, er allstaðar blár leir undir og úr linum
klett-um smitar vitríól við sólarhitann. Að vestanverðu er
kaldur lækur, blandinn brennisteini og vitrióli, er ber með
sér bláan leir, þar er rétt hjá hverpyttur og mætti þar láta
lækjarvatnió kostnaðarlaust gufa upp, til þess að ná úr því
steinefnunum. Austan megin er hver, sem vellur ákaflega
og úr honum rennur lika í lækinn vatn blandað sömu
stein-efnum. Að austanverðu undir bröttum hömrum í
fjallsend-anum er vatn yfir 5000 skref að ummáli (líklega Kleifavatn),
það náði fyrrum 300 fet upp í klettana, en við mikinn
jarð-skjálpta 1663, er evddi marga bæi, ekki að eins nálæga heldur
einnig fjarlæga, sogaðist vatnið svo i gjár neðanjarðar, að nú
er fær vegur fram með því undir klettunum. Síra Þorkell
segist seinna við tækifæri muni rita lýsingu á Kötlugosinu
1660, hann kveðst og ætla að skoða ölkeldur og aðrar
merki-legar uppsprettur. Með bréfinu sendir hann Ola Borch söl
og nokkrar sjaldgæfar plöntur, sem hann biður Borch að
segja sér nöfnin á. Sölin segir hann séu ekki fullþroskuð
fyrr en í júlí, það þurfi að bleyta þau í vatni og svo þurka þau
og geyma þau á þurrum staó um sex mánaða tíma, þá verði
þau æt. Seinna sendir Þorkell Ola Borch (17. ág. 1674)
kvartil af sölvum, birkiblöð steingjör frá hverum, sortulvng,
óskabirni o. fl. Aptur 31. júlí 1675 sendir hann meir af
sölvum og fleiri óskabirni og hraundröngla úr Surtshelli,
sem hann þá hefir nýlega skoðað. Síra Þorkell segir, aó
Surtshellir sé yfir 240 skref á lengd, 30 skref á breidd og
hæðin þvi samsvarandi. í hellinum er flatt gólf, þakið
reglulega hvelft og á veggjunum steinskorpa; i honum miðjum
er þakið dottið niður á 40 skrefa svæði og fellur birtan þar
<< prev. page << föreg. sida << >> nästa sida >> next page >>
