Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Illustri BjECKIO
Amico suo sincero
S. pl. d.
C. Linnaeus.
Doleo quod remotus a cara conjuge, dulcissimaque nata
habitabis in splendida miseria, procul ab aurea praxi, unde dives
moriaris, sed simul pereas.
Habui literas hodie Madritio pro certo de fato optimi
Loef-lingii, quod perierit Semitertiana quam excepit Pertesia (nescio quid
sit) et Tympanites, mors; hoc meum cor rodit, imo perfodit! amisi
discipulum doctissimum, simulque candidissimum, amicissimum.
Rara solet magnis rebus inesse fides; sero veniet iste dies, quo
aliquis B. Loeflingio par perambulabit americam australem, sed
fabula acta est1.
Si accepissem Theam, uti accepi duas arbores vivas
vegetas-que, non insererem ejus mentionem in actis litteratis, cum
didiceram pasci taciturus.
Devota mea dicas Generosissimo Comiti Duben.8 dicas ad eum
me dedisse literas per D. Klingenstierna, sed responsorias non
habuisse, nec ullas deinde, quod valde miratus e Domino tam
humano & affabili, dulci & sapienti, omnibusque virtutibus nobilitatis
corruscante. Forte Familia amplissima, Domicellas dicerem,
abstulere horas.
Tui ipsius caussa,- tua ex commendatione retinui Böhmium
quamdiu potui, et forte ultra patientiam humanam; obtinuit 500
thaleros cupreos circiter ab eo tempore quo accessit, cum tamen
non meruerat 100; sed hoc Tui caussa, metui quotidie, quod ille
qui curam habet horti succumberet negotiis auxilio destitutus vel
valediceret omnibus, mirati omnes quod possem ferre tam ignavum
juvenem; sed tui caussa tuli omnia; memoria omni prorsus caret;
dicas quidquid velis, promittit se facturum, sed eodem momento e
memoria perit. Metui quotidie quod hujus capacitas innotesceret
collegis; nec possem defendere.| Si per hyemem unicam apud me
haereret, perirent pleraeque ejus curae commissae plantae sola oblivione.
<< prev. page << föreg. sida << >> nästa sida >> next page >>
