Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
In tota mea profectione, a mense Majo usqne ad Octobrem
praeteriti anni (1732) continuata, et vel sexcentis periculis obnoxia,
672 milliaria Suecica consumsi. Neque omne iter terra, sed*
multum per mare et flumina institutum. In montibus Lapponicis 150
milliaria Suecica pedibus ivi. Sub elevatione poli 70 grad. in
ipso Oceano septentrionali huc illuc navigando, per octiduum
solem inocciduum vidi. Per orientale latus Sinus Bothnici Upsaliam
reversus, in Tavastia sciurum volantem deprehendi.
Omne a reditu meo tempus in conscribendam Floram
Lap-ponicam impendi. Continebit haec Vegetabilia, in Lappmarkiis et
jugis montium Lapponicis crescentia, novis nominibus et specierum
synonymis, novorum generum characteribus, rariorum accuratis
descriptionibus, plantarumque nondum descriptarum figuris, una
cum usu earundem apud Lappones oeconomico et medico,
locupletata.
Ante paucos dies liocce opus ad finem perduxi, 36 plagulis
et 80 figuris constans1. Jam tantum restat ejus in latinam linguam
translatio, quam proximo Paschatis tempore prelo paratam, D. V.
promitto. Interea temporis ut editorem opusculo meo in
Germania, vel alibi, procures humiliter peto.
Flora mea absoluta, Lachesin Lapponicam2 elaborandam
aggredior. In hac de Oeconomia Lapponum agam, causas sanitatis
et longaevitatis eorum, simulque praerogativas hujus gentis prae
aliis, indigitaturus. Quocirca non Schaefferum3, et alios rei
Lnp-ponicae scriptores corrigere, sed quae ipse vidi, fideliter et
simpliciter referre lubet.
Probe quidem scio, neminem eorum juga montium Lapponica
aestatis tempore transivisse. Miram convenientiam inter hosce
montes Lapponicos et Alpinos deprehendi; adeo, ut omnes fere
plantas, quae non nisi in Alpibus florent, huc quoque invenerim.
Sane quam plurima, rem botanicam egregie illustrantia,
re-periisse mihi videor. Tuo quoque desiderio satisfacturus, rebus
oeconomicis in itinere meo attendi.
Ipsa montium juga nullo modo vegetabilibus excoli possunt.
Lappmarkiae enim omnes, tractibus plerumque arenosis
abundantes, terra nigra carent. Nullibi idoneus agricolae locus, nisi circa
fluviorum ripas; quamvis id etiam difficillime. Hinc in
Lapp-markiis vix centum dantur agricolae, iique pauperrimi, quia venti,
e jugis montium provenientes, frigus semper, imo in ipsis diebus
canicularibus, afferendo, labores eorum non raro irritos reddunt.
<< prev. page << föreg. sida << >> nästa sida >> next page >>
