Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Provinc. conspectum Generum nunc mitto, quem aliquando exercitii
gratia excerptum contuli cum fragrn. meth. naturalis. Viscum Algis associat,
alios ut taceam seque luxuriantes Gallicismos.
In Novellis legi, Entomologiam Garn. Scopoli,6 ut et Iter
Gothlandi-cum idiomate Germanico prodiisse.7
Novus iterum hic comparet Tract. Störckii8 de colchico.
Recensentur ibi V Experimenta et XIII Casus Hydropis Oxymelle Colchici
feliciter persanata. E Rad. Colch. dissect. jj et acet, vini #j, acetum parat,
e cujus #j et mellis #ij leni coctione & agitatione Oxymell exhibet, unde
in Decocto quodam primo die 3j bis propinant, 2:do 1. 3j[?], tandem 4ter
& pro re nata jj ad jij quotidie.
Nulla, quantum audivi, hic Pretropoli a Medicis frequentantur
heroica; et me quidem judice, prudenter faciunt secundum Canonem medicum.
Nob. Dm. Lerche9 (est hic Metropol, hujus Physicus ord. et Collegii
consiliarius) invisi Tuoque Nomine, Illustr. D:e Archiater, Ei gratias egi pro
seminibus Cucurb. Dubium se hsesisse dicebat, utrum semina illa prset.
anni rite Ups. pervenerint nec ne! Cumque ex eo tempore nihil
audiverit, sibi proposuerat hoc anno plane nulla mittere. At vero notitia de
nova Cucurbitae specie exinde enata ita commovit exsuccum hunc
senem, ut mox promiserit, se etiam jam, si occasio daretur, aliqua
eom-municaturum semina FI. Astrak. et Sibir. Ut vero morae diuturniori
aliisque obstaculis occurrerem, illico in me laetus suscepi hoc negotium.
Nonnulla in tanta copia dedit, ut ista omnia cum Veredario 10 mittere
nequeam. Horum portionem mitto, reliquam partem opportuniori servans
occasioni. Ejusmodi in aversa parte Capsae annotavi. Plane omitto hac
vice Rheum palmatum, Nitrariam, Rub. tinct. et Gossypium, quibus antea
abundat Hortus Ups. Nuces marinae, ut vocat, ipsi praeprimis curae
erant, utpote quas plane novas putavit. Utque nihil deficiat, quod ad
eas illustrandas faciat, mihi jussit sequentia sincere communicare: Nuces
has comedunt Persae, quod ipse vidit. Sapiunt ut avellanae. Persis
vocantur Dariopacta, Indis Gobia, Ruth. Morelubi h. e. mari delectantes.
Quas nunc mittit lectae sunt ad Sedliste Ostroco ad orificium Wolgae inter
Scirpos et Arundines. Petala 4—5 saturate rubra, ut retulit Pharm.
Astrakanens. Kater. Ab Indis hoc modo plantantur: putamine caute fracto
nucleus eximitur, globo argillaceo magnitudine 2 pugnarum involvitur,
qui dein ad fundum demittitur. Quantum ego percipio, est Nymphaea
Nelumbo.
Nec Hortum Bot., nec medicum, nec, quod magis est, Museum
Pe-tropolitanum adhuc vidi. Haec tamen omnia me aliquando lustraturum
spero; saltem ita promisit Generosiss. meus Patronus.
<< prev. page << föreg. sida << >> nästa sida >> next page >>
