Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro doctissimo atque clarissimo
CAROLO LINNAEO
Med. Doct.
S. p.
Joannes Amman.
Gratissimae mihi fuerunt literae Tuae ante aliquot menses e Musaeo
cliffortiano ad me datae. Pro transmissis autem hactenus a Te editis
Scriptis Botanicis maximas ago gratias, utque meo nomine similes agas
insigni et celeberrimo rei herbariae cultori & promotori D° Cliffortio pro
oblata mihi Musae1 n horto suo florentis descriptione obnixe rogo.
Memini a Geleb. Gronovio audivisse, dum Lugduni Batavorum studiis
medicis operam dabam, quot & quantis ille sumptibus, quantaque industria
plantas omnis generis et regionis rarissimas in horto suo amoenissimo
prope Harlemum colat conservetque. Quantum igitur ex ejusdem catalogo,
quem Tu conscribere dicis, ad rei herbariae augmentum exspectandum
erit? Ut video, bilem Tibi movit mea ad Gronovium & Dillenium data
sententia de nova Tua methodo a staminibus et pistillis sumpta.
Lascivam jocabundus dixi in literis ad Gronovium ni fallor; sed vix credere
possum Te aegre hoc laturum. Si perpendere velis tantum subinde
maritorum acervum uni feminae destinatum respectu hominum nostrorum
mores et leges castitatis vix ullam speciem prae se ferre. Non loquor
autem de legibus plantarum naturalibus a summo Creatore sancitis. Ad
Dillenium scripsi methodum Tuam in constituendis et definiendis stirpium
generibus magno cum usu adhiberi posse; in ordinandis autem classibus
vix ullum locum habere. In hac adhuc sum sententia; nam secundum
methodum Tuam plantae ad unam eandemque classem referuntur, quae
praeter numerum staminum & pistillorum nihil commune, omnes vero
reliquas partes distinctissimas habent. Qualis quaeso affinitas, si staminum
numerum excipias, inter Valerianam et Cyperum, inter Persicariam &
Gampanulam, inter Gentianam, Ribem & Angelicam etc.? Perlegi Floram
Tuam Lapponicam multasque plantas ibi recensitas et descriptas reperi,
quae etiam circa Petropolim sponte nascuntur. Betulam exempli gratia,
foliis orbiculatis crenatis, cujus iconem quoque et descriptionem jam ante
duos annos Academiae nostrae tradidi.2 Synonymis Tuis deest: Betula
<< prev. page << föreg. sida << >> nästa sida >> next page >>
