Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ver in Italia coepit die 20 Februarii, et Martio incepto complures
et plantae multae virescere coeperunt; nunc autem Frumentum jam
maturum ubique metitur. Quadraginta dies et amplius, ante hoc tempus
coeperunt edi apud nos Fraga, Cerasa, Pruni, et nunc Pisa, Kali, et
cujus-que generis olera ubique eduntur.
Quid nostri moliantur et agant Botanici in Italia, haec habe. Scire
volunt multi, pauci perferre laborem. Idcirco complures hanc scientiam
colere jactitant, verum perpauci imo paucissimi hanc probe norunt.
Fer-dinandus Bassi edidit novum suum Genus Ambrosiniae, ut nosti, sed ut
verum fatear, putabam tantum virum melius scire debere Botanicas voces,
et Botanicum scribendi modum.
Monti et Cyrillus optima gaudent valetudine, sed nihil habent, quod
in publicum proferre velint.
Tura, ut cornix pavonis pennis induta formosa videri studebat, sic
et ipse aliorum labores suae solertiae tribuens ingeniosus et sagax videri
vult, sed pusillae hominum mentes, et ingenia brevibus circumscripta
terminis nimis facile deteguntur.
Moreni,6 Sesler7 et Patarolus8 sunt viri insigni probitate morum ornati.
Episcopus Cornelius summo amore Botanicam prosequitur, cujus
scientiae non modo est studiosissimus, et in ferendo judicio circa plantas
est insigni perspicacia praeditus. Verum quia majoribus distinetur
occupationibus, parum vacare potest studio hujus scientiae. Proximo julio
herbarum colligendarum causa ibo supra montem Baldum cum eodem
Episcopo, cum Moreni, et fortasse cum Tura.
Dominicus Vandelli ex improviso quadraginta ante hos dies aufugit
Patauio, postquam Patrem suum innumeris de causis dolore affecit.
Fertur ipsum Lusitaniam petiisse, ibique munus aliquod obtinuisse ope
cu-jusdam fseminse quam sibi connubio jungere spopondit, si concessum
fuisset munus, quod petierat. Convitia quibus summa cum audacia
quemlibet hic adolescens afficiebat, in causa fuere ut ubique inimicitiam
inierit proborum omnium. Ego eram fere solus, qui ejus uterer
familiaritate, sed postquam abiit Patauio (quamvis Botanices rudimenta eum
docuissem) meum hostem esse deprehendi. In describenda mea cornelia
verticillata laudavi hunc juvenem plus quam eum decuisset, verum id
scripsi ut pergratum facerem eidem, qui me sic de ipso loqui velle
rogaverat. Postquam Patavio aufugit, paginam quandam typis commisit,
qua in pagina scribit non a me sed ab ipso inuentam fuisse Corneliam;
qua de re summopere miratus sum videns audaciam plagiarii tam scelesti.
Quamvis ab amicis excitarer aliquid adversus eum conscribere, nolui
tamen scriptorium stylum acuere adversus homuncionem, qui mihi visus
<< prev. page << föreg. sida << >> nästa sida >> next page >>
