Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
per primam navem stockolmiam petentem, operis mei ab academia
Divionensi coronati Exemplar recipies. Hoc jn volumine salvinice et
aldrovandice specimina posui. Mira planta certe est aldrovandia, quam
forsan jam vidisti; sed, quam soli gallorum B. Jussieu et Ego possidemus.
Sauvagesice specimen pulcherimum et jntegrum habeo, ipsius ramum
lubenter tibi dedissem, sed cum jnsul* sti Dominici procurator meus
scripserit mihi, capsas quatuor plantis siccis refertas prima nave me
accepturum. jnter has plantas sauvagesia reperiri poterit, et cum multis aliis
pro te erit, si tamen ibi non sit, speciminis mei ramum habebis.
Quidquid de pluknetia dixerit plumierus, verum est. Ergo solam
staminum descriptionem addere sufficit.
Stam. filamenta octo omnium brevissima et coalita, antherae simplices
erectae.
glandulae nectariferae quatuor basi staminum sitae, villis, antheris duplo
longioribus donat®.
Dudum est, quod B. Jussieu scripsit mihi, se baobab, p. alp.
adan-soniam dixise: characterem vero non communicavit, specimen siccum et
mutilum possideo. Adansonice flos omnium maximus ad monadelphiam
poliandriam pertinet.
Jussiem species tres vivas saepissime examinavi, nec magnam
differentiam in fructu, cum Ludwigia habere, detegere potui. Major certe est
differentia jn fructu; jnter Blairiam houst., Sherardiam vaill. et
Ver-benam tourn. quas merito sub unico genere reduxisti. Nullus hercle
dubito, quod si jussieas tres vivas vidisses, statim unum et idem genus
cum Ludwigia esse statuisses: anceps quoque hereo, num mentzelia pium.
ad idem genus referri debeat?
Plurimas observationes, quas attente et scrupulose feci, imposterum
tibi communicabo, et sincere castigationi tuae eas submittam, sed ea lege
ut errores quos committam, mihi notos reddes; nemo enim correctione
avidior est. quis autem, observationum naturalium »que ac tu, praetium
noscere valet?
Pulcherima est observatio tua, de hordei musca, pulcherima est
quoque observatio de phalena secalis, sed hanc phalenam, jn spicis
fertilibus aeque ac jn sterilibus, reperiri puto, observa jllud vellim. Multis
ex annis plantarum morbis studeo, et plurimas causas, secalis et frugum
aliarum sterilitatis primus detexi.
Est musca minima viridis aenea, quae apud nos raphanistri tourn.
siliquas destruit, est et alia quae rubiae tourn. germen reddit monstrosum,
nec observatae fuerunt ab ullo, antequam a me.
<< prev. page << föreg. sida << >> nästa sida >> next page >>
