Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Clarissimo Sapientissimoque viro
D. Carolo Linnseo Equiti
Botanico Professori amplissimo
S. P. D.
Ferdinandus Bassi.
Mihi gratulor summopere, tibique Naturalis Historiae Principi plurimas
dico, habeoque gratias de tuo non solum erga me favore, et
benevolentia, sed etiam quod Ambrosinam novum Plantae genus a me institutum
non contemnas, imo summa tua auctoritate ratum habeas, et comprobes,
cujus rei per jucundissimas tuas litteras proximi superioris Decembris
datas me certiorem fecisti perhumaniter1; verum si quid botanica laude
dignum egi, nonne te duce ad id sum agressus! utinam tibi proximus
te audire, te consulere possem, etenim non nulla haberem ad rem
nostram augendam, ac illustrandam, quae libenter tecum conferre exoptarem,
sed nimis magno locorum intervallo disjuncti sumus, et nimis sero tui
ad nos perveniunt beati libri, namque nondum sextam editionem
generum Plantarum, et tantum Decadem primam rariorum Plantarum, et
secundam editionem Spetierum paucis ab hinc mensibus accepi2; eos
evolvere libros, et sedulo perlegere vehementer cupio, sed nunc a chemica
Analysi nonnullarum thermalium aquarum Agri Bononiensis, quam
institui, quaeque quam primum publici juris facienda erit, nec non ab
amplissimo Museo Bononiensis Instituti scientiarum mihi commisso, cujus
et regnum animale, et vegetabile, et lapideum distincte, et accurate
disponere, et ordine collocare, nomenque suum singulis rebus rite, et recte
tribuere nunc summo labore suscepi, distractus vix ac ne vix quidem
mihi aliquid temporis superest, adde Horti Medici rariorum Plantarum
nuperrime constituti ab Horto publico botanico distincti, mihi traditi, et
nondum commodis satis instructi occupationes, et negotia; verum si quid
otii habebo me totum illico tuis eruditissimis libris nuper acceptis dicabo.
Plurima hoc anno ex America, ex Syria, ex Palestina, ex Aegypto
ab amicis peregrinatoribus minime tamen botanicis, sed fortuito collecta
obtinui semina, quse quam primum in horto meo medico terris credere
curabo, utinam ad rem nostram augendam aliquid novi generis esset,
frustra tamen timeo laborare, namque semina sollicitus lecta pene omnia
cognovi, et vix unum, et alterum semen mihi omnino ignotum perspexi,
sed si non nova genera Plantarum, et tantum novas speties obtinebo,
<< prev. page << föreg. sida << >> nästa sida >> next page >>
