Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Equiti Garolo Linnaeo Botanicorum Principi
Ferdinandus Bassi
Horti medici Bononiensis exoticarum Plantarum Praefectus
has tres novas Plantarum speties
D. D. D.
Alismam in Apenninorum sublimiorum loco quodam paludoso
inveni. Semina circiter decem in capitulum collecta, et seta exornata,
reliqui caracteres omnes cum Alismse genere omnino conveniunt. Tillius
in sua Tab. foliorum paginas pinxit cordato-obtusas, et stipulas
subrotundas concavas, at illae sunt cordato-ovatae, et acutae, istae lineares acutae.
Petiolorum nodos omnino omisit, qui nodi ad distinguendam spetiem
optimam praebent notam.
Psoralea, ut reor, omnino nova viget perennis in horto meo, et
hiemem nostram sub dio sustinet. Semina ex Palestina accepi; haec,
quae tibi offero, vir longe clarissime, semina hoc anno sunt lecta in
horto meo. Planta, quae humanam superat altitudinem, omnibus
Psorale-arum caracteribus praedita est.
Apocynum floruit hoc anno in Caldariis meis ad libram accedente
sole.
Cal: Perianthium monophyllum, quinque-partitum, erectum, acutum,
minimum, persistens.
Cor: Monopetala campanulata, quinquefida: Laciniis oblongis
revolutis, truncatis. Nectarium corpusculis quinque ovalibus germen
ambientibus.
Stam: Filamenta quinque nectarii breviora. Anthaerae quinque,
oblongae, acutae basi bifidae, conniventes.
Pist: Germina duo obovata. Styli vix ulli. Stigma subrotundum
germinibus majus.
Per: Folliculi duo. Horum embriones tantum legi, cum enim ad
fructificationem accedebant flores, infructiferi decidebant.
Flores extremitatem versus ramulorum fasciculati, et unciali
pedunculo donati octo ex una cicatricula, minime vero ex opposito, sed ex
alterna superiori cicatricula item octo, quorum odor odorem florum
Pe-riplocae caule hirsuto simulat. Caules praecipui nostrae plantae digiti
crassitiem adaequant, et longitudinem decem parisiensium pedum superant.
<< prev. page << föreg. sida << >> nästa sida >> next page >>
