Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Illustri et Excellentissimo
Domino Carolo Linnaeo
Professori longe celeberrimo
S. P. D.
Carolus Augustus å Bergen.
Eadem occasione qua nuperrimas tuas, mihique gratissimas, die
XXIX Sept. a. p. exaratas, accepi, eadem prorsus nunc has mitto
re-sponsorias. Et ni sane iniquae petitionis censuram subirem, optarem
profecto, bonum istum virum, qui praesentes adfert, suis diutius detineri
litibus, modo tuis quotannis suavissimis litteris gaudere possim; quas
autem primo vere scriptas mones, nunquam accepi. Itinera tua licet
vestro idiomate scripta gratissima mihi forent munera, quod et de Flora
Zeylanica intellectum volo, si ita Tibi visum fuerit. Rhinocerotem licet
viderim, non eo animo contemplatus sum ut’ animalis descriptionem
publicarem, probe conscius, quam curta mihi in Scientia naturali supellex
sit, nihilo minus nuperrima tua mihi stimulo fuere, ut qualiaeunque mea
observata occasione Sermonis Academici in lucem ederem1. Tui nunc
erit judicare, an quicquam pro determinando genere eruere valeas.
Figuram animalis Berolini factam archetypum accurate representantem
ad-posui ratus hoc ipsum Tibi non ingratum fore. Douglasii scriptum
autem nunquam vidi. Selectissimas tuas Dissertationes avide perlegi, pro
quibus atque imprimis Musa Cliffortiana grates Tibi persolvo in
perpetuum duraturas.
Nunc iterum mitto Dissertationes quasdam nostrae et aliarum
Germaniae Academiarum pro quibus si revertente iterum Iansonio Dissert.
tuam de Ficu nec non adhuc semel Hortum Upsaliensem. Dissert. Dn.
Groenvald2 de argentifodinis Salanae\y\ Upsal. 1725 habitam mihi certo
promittere possem, multis nominibus Tibi me obstrictum pollicerer. Imo
si forsan Lorizen Wolff, Norigia illustrata3, nec non Christian.
Stein-kiihe (litteris initialibus C. S. K. H. D) Topographia Norvegiae, Haffniae
impressa4, apud vos prostaret, quanti constarent Iansonius pro me
luben-tissime solvet. Tandem si conchyliorum, petrefactorum et mineralium
Septentrionalium exemplaria in duplo possides et superfluorum copiam
facere digneris, ego, quae nostra fert tellus naturae producta certo certius
communicaturus sum. Dn. Gledilschio tuas misi dissertationes sed mihi
hactenus nondum respondit.
Vale et fave. dab. Francof. ad Viadrum die XVI. Martii. 1747.
<< prev. page << föreg. sida << >> nästa sida >> next page >>
