Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
filios usque in tertiam et quartam progeniem in his, qui
oderunt me, id est, in his, qui circa me paternum odium
imitantur.
De Ottone videtur, quod non liceat ipsi favere,
quoniam a paucioribus est electus; quod non deceat, ne
videamur non ob gratiam ejus, sed alterius odium ipsi
favorem apostolicum exhibere; quod non expediat, quia
respectu alterius videtur pars ejus debilis et infirma.
Verum, cum tot vel plures ex his, ad quos principaliter
spectat imperatoris electio, in eum consensisse
noscantur, quot in alterum consenserunt; cum non minus
idoneitas seu dignitas electe persone, immo plus, quam
eligentium numerus sit in talibus attendendus, nec tantum
pluralitas quoad numerum, sed salubritas quoad consilium
in eligentibus requiratur, et Otto magis sit idoneus ad
regendum imperium quam Philippus; cum Dominus etiam
puniat peccata patrum in filios usque in tertiam et
quartam progeniem in his, qui oderunt eum, id est, in his, qui
patrum peccata sequuntur, et Philippus progenitorum
suorum peccata in ecclesiae persecutione sequatur; cum, etsi
non debeamus reddere mala pro malis, sed benefacere
maleficientibus nos, non tamen debeamus honorem pro
injuria in his, qui in solita perseverant malitia,
compensare aut contra nos armare furentes; cum Dominus, ut
confunderet fortia, humilia elegisse legatur, utpote qui
David in regem de postfoetante accepit; videtur, quod et
liceat, deceat et expediat ipsi favorem apostolicum
exhibere.
Absit enim, ut deferamus homini contra Deum aut
timeamus vultum potentis, cum secundum apostolum non
solum a malo, sed ab omni specie mala nos oporteat
abstinere. Scriptum est enim: Maledictus, qui confidit in
homine et qui ponit carnem brachium suum. Nos igitur
ex praedictis causis pro puero non credimus insistendum,
ut ad praesens debeat imperium obtinere. Personam vero
Philippi propter impedimenta patentia penitus
reprobamus et obsistendum ei dicimus, ne imperium valeat usur-
<< prev. page << föreg. sida << >> nästa sida >> next page >>
