Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
municationis vinculo innodentur et, nisi quantocius
resipuerint, alia competenti poena plectantur.
§ 7. Adjicimus insuper, ut quilibet archiepiscopus
vel episcopus per se aut per archidiaconum suum, vel
idoneas personas honestas, bis aut saltem semel in anno
propriam parochiam, in qua fama fuerit haereticos
habitare, circumeat et ibi tres vel plures boni testimonii viros,
vel etiam, si expedire videbitur, totam viciniam, jurare
compellat: quod, si quis ibidem haereticos sciverit, vel
aliquos occulta conventicula celebrantes, seu a communi
conversatione fidelium vita et moribus dissidentes, eos
episcopo studeat indicare. Ipse autem episcopus ad
praesentiam suam convocet accusatos, qui, nisi se ab objecto
reatu purgaverint, vel si post purgationem exhibitam in
pristinam fuerint relapsi perfidiam, canonice puniantur.
Si qui vero ex eis, juramenti religionem obstinatione
damnabili respuentes, jurare forte noluerint, ex hoc ipso
tan-quam haeretici reputentur.
§ 8. Volumus igitur et mandamus et in virtute
oboedientiae districte praecipimus, ut ad haec efficaciter
exsequenda episcopi per dioeceses suas diligenter
invigilent, si canonicam effugere voluerint ultionem. Si quis
enim episcopus super expurgando de sua dioecesi
haereticae pravitatis fermento negligens fuerit vel remissus;
cum id certis iudiciis apparuerit, et ab episcopali officio
deponatur, et in locum ipsius alter substituatur idoneus,
qui velit et possit haereticam confundere pravitatem.
XIII. Gregorius ix. — Dekret mot bibelläsning. —
Synod 1 Toulouse, 1229. — Utdrag.
Cap. XIV. Prohibemus etiam, ne libros veteris
testamenti aut novi laici permittantur habere, nisi forte
psalterium vel breviarium pro divinis officiis aut horas beatae
Mariae aliquis ex devotione habere velit. Sed ne
praemissos libros habeant in vulgari translatos, arctissime
inhibemus.
<< prev. page << föreg. sida << >> nästa sida >> next page >>
