Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ministrare debentium sacerdotum, diaconorum et
reliquorum officialium, ad solum principantem secundum leges
fidelium pertinet mensurare.
23. Ecclesiastica officia separabilia solius fidelis
legislatoris auctoritate conferri et similiter auferri posse, sicut
quoque beneficia et propter pias causas reliqua constituta.
24. Notarios aut alios officiales publicos civiles
statuere, ad nullum episcopum pertinere, in quantum
hujusmodi, communiter aut divisim.
25. Docendi aut operandi publice secundum artem
aut disciplinam aliquam, neminem episcopum, communiter
aut divisim, in quantum hujusmodi, licentiam concedere
posse, sed haec ad legislatorem saltem fidelem aut ejus
auctoritate principantem tantummodo pertinere.
26. Promotos ad diaconatum aut sacerdotium,
reli-quosque Deo irrevocabiliter consecratos in ecclesiasticis
officiis et beneficiis ceteris non sic consecratis debere
praeferri.
27. Ecclesiasticis temporalibus, expleta sacerdotum
et aliorum evangelii ministrorum, et his, quae ad cultum
divinum pertinent, ac impotentum pauperum necessitate,
licite ac secundum legem divinam pro communibus seu
publicis utilitatibus aut defensionibus uti posse
legislatorem humanum totaliter et in parte.
28. Cuncta temporalia, quae ad pias causas seu
misericordiae opera statuta sunt, ut quae testamentis legantur
pro ultramarino transitu ad resistendum infidelibus, aut
pro captivorum ab ipsis redemptione, vel pauperum
impotentum sustentatione, ceterisque similibus, ad solum
principantem secundum legislatoris determinationem ac
legantis vel aliter largientis intentionem disponere
pertinet.
29. Collegii cujuscunque vel religionis vacationem
concedere, ipsamque approbare vel reprobare, ad
auctoritatem pertinet solius legislatoris fidelis.
30. Haereticos, omnesque delinquentes et arcendos
poena vel supplicio temporali, judicare judicio coactivo,
<< prev. page << föreg. sida << >> nästa sida >> next page >>
