Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
poenasque personales infligere, ac reales exigere, ipsasque
applicare, ad solius principantis auctoritatem pertinet,
secundum legislatoris humani determinationem.
31. Neminem subditum et per juramentum licitum
alteri obligatum, absque causa rationabili per fldelem
legislatorem tertiae significationis judicio judicanda, per
episcopum aut presbyterum aliquem solvi posse, hujusque
oppositum adversari sanae doctrinae.
32. Episcopum aut ecclesiam aliquam metropolitanam
simpliciter omnium statuere, atque privare seu deponere
ab hujusmodi officio, ad solum generale concilium fidelium
omnium pertinere.
33. Generale concilium aut partiale sacerdotum et
episcoporum ac reliquorum fidelium per coactivam
potestatem congregare, ad fidelem legislatorem aut eius
auctoritate principantem in communitatibus fidelium
tantummodo pertinere, nec in aliter congregato determinata
vim aut robur habere, ad observationem quoque neminem
obligare temporali aut spirituali poena vel culpa.
34. Jejunia et aliquorum ciborum prohibitiones solius
generalis concilii fidelium seu fidelis legislatoris aiSforitate
fieri debere. Opera quoque mechanicarum artium ac
doctrinas disciplinarum, quae lege divina nulla dierum
exerceri prohibita fuerint, solum praedictum concilium seu
legislatorem praedictum interdicere posse, ad
observationem quoque talium arcere poena vel supplicio temporali,
solum legislatorem fidelem aut ejus auctoritate
principantem.
35. Canonizari aut tanquam sanctum adorari
quempiam, per solum generale concilium statui et ordinari
debere.
36. Episcopis aut presbyteris aliisque templorum
ministris si uxores interdicere convenit, reliqua quoque circa
ecclesiasticum ritum, per generale solum fidelium
concilium id statui et ordinari; at illud solum collegium aut
personam in hoc cum praedictis dispensare posse, cui data
fuerit ejus auctoritas per concilium supradictum.
<< prev. page << föreg. sida << >> nästa sida >> next page >>
