Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
XVII. Ludvig iv. — Lag om kejsarvalet. —
Riksdagen i Frankfurt, aug. 1338.
Licet juris utriusque testamenta manifeste declarent,
imperialem dignitatem et potestatem immediate in filio
Dei ab antiquo processisse et Deum per imperatorem et
reges mundi jura humano generi aperte tribuisse; et quod
imperator ex sola electione eorum, ad quos pertinet, verus
efficitur imperator nec alicujus alterius eget confirmatione
seu approbatione, quoniam in terris quoad temporalia non
habet superiorem, sed eidem gentes subsunt et nationes,
et ipse Dominus noster Jesus Christus mandavit, quae
sunt Dei Deo, et quae sunt caesaris caesari reddenda; quia
tamen nonnulli, avaritiae et ambitionis caecitate ducti
et nullius scripturae intelligentiam habentes, sed
divertentes a tramite recti sensus in quaedam iniqua et prava
commenta et in assertiones detestabiles prorumpentes,
contra potestatem et auctoritatem imperialem et jura
imperatorum, electorum et aliorum principum et imperii fidelium
committunt, fallaciter asserentes, quod imperialis dignitas
et potestas est a papa, et quod electus in imperatorem
non est verus imperator nec rex, nisi prius per papam
sive sedem apostolicam confirmetur, approbetur et
coronetur; et per hujusmodi pravas assertiones et pestifera
dogmata hostis antiquus movet lites, jurgia suscitat,
contentiones parit et seditiones procurat: ideo ad tantum
malum evitandum de consilio et consensu electorum et
aliorum principum imperii declaramus, quod imperialis
dignitas et potestas est immediate a solo Deo; et quod
de jure et imperii consuetudine antiquitus approbata,
postquam aliquis eligitur in imperatorem sive regem ab
electoribus imperii concorditer vel majori parte eorundem,
statim ex sola electione est rex verus et imperator
Romanorum censendus et nominandus et eidem debet ab
omnibus imperio subjectis obediri; et administrandi jura
imperii et cetera faciendi, quae ad imperatorem verum
pertinent, plenariam habet potestatem, nec papae sive
<< prev. page << föreg. sida << >> nästa sida >> next page >>
