Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ad latices intrare pios, ubi semina vite
Divinis animantur aquis et fonte superno
Letificata seges spinis mundatur ademptis,
Ut messis queat esse Dei mercisque future
Maxima centenum cumulare per horrea fructum.
In nomine sancte et individue trinitatis feliciter amen.
Karolus quartus divina favente clementia Romanorum
imperator semper. augustus et Boemie rex, ad perpetuam
rei memoriam. Omne regnum in se ipsum divisum
desolabitur; nam principes ejus facti sunt socii furum, ob quod
dominus miscuit in medio eorum spiritum vertiginis, ut
palpent in meridie sicut in tenebris, et candelabra eorum
movit de loco suo, ut ceci sint et duces cecorum, et qui
ambulant in tenebris offendunt et ceci mente scelera
perpetrant, que in divisione contingunt. Dic, superbia,
quomodo in Lucifero regnasses, si divisionem auxiliatricem non
habuisses? Dic, Sathan invide, quomodo Adam de
paradiso ejecisses, nisi eum ab obedientia divisisses? Dic,
luxuria, quomodo Troyam destruxisses, nisi Helenam a viro
suo divisisses? Dic, ira, quomodo Romanam rem publicam
destruxisses, nisi in divisione Pompejum et Julium
sevi-entibus gladiis ad intestina prelia concitassem? Tu quidem,
invidia, Christianum imperium a Deo ad instar sancte et
individue trinitatis fide, spe et caritate, virtutibus
theologicis, roboratum, cujus fundamentum super christianissimo
regno feliciter stabilitur, antiquo veneno (velut serpens
in palmites imperiales et membra ejus propinquiora) impio
scelere vomuisti, ut concussis columpnis totum edificium
ruine subiceres; divisionem inter septem electores sacri
imperii, per quos velut septem candelabra lucentia in
unitate spiritus septiformis sacrum illuminari debet imperium,
multociens posuisti. Sane cum ex officio, quo cesarea
dignitate potimur, futuris divisionum et dissensionum periculis
inter electores ipsos, de quorum numero ut rex Boemie
esse dinoscimur, ratione duplici, tam ex imperio quam
electionis jure, quo fungimur, occurrere teneamur, infra
<< prev. page << föreg. sida << >> nästa sida >> next page >>
