Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
siae devotio et obedientia omnimoda laicorum et totius
populi ex tunc irrecuperabili ter tollebatur, non sine
multae perplexitatis angustia sic duximus respondendum:
quod ipsi domino nostro regi in conservatione personae
suae suorumque et honorum ac libertatis et jurium dicti
regni, prout quidam nostrum, qui ducatus, comitatus,
baro-nias, feuda et alia membra nobilia dicti regni tenemus ex
forma juramenti, et ceteri, qui omni debito sibi sumus
fidelitatis astricti, adessemus eidem debitis consiliis et
auxiliis opportunis; eidem domino nostro regi humiliter
supplicantes, ut, cum apostolicae sanctitati ad oboedientiam
teneamur, ad beatitudinis vestrae pedes, juxta praemissae
vocationis vestrae tenorem, permitteret nos transferre.
Ex parte cujus et baronum est secuta responsio, quod
nos nullo modo abire permitterent, regnum sic periculose,
sic deformiter, sic irreparabiliter vacuari, quin potius
exhauriri totaliter, nullatenus sustinerent.
Considerantes igitur tam vehementem commotionem
et turbationem tam periculosam et gravem, immo
gravissimam, regis, baronum et aliorum laicorum regni
praedicti, et jam cognoscentes apertius, quod antiqui hostis,
pacis aemuli zizaniaeque satoris, qui a suae ruinae
principio conatur, ut ecclesiae unitatem pacis turbatione
rescindat, caritatem vulneret, sanctorum dulcedinem operum
insidiae veneno fellis inficiat, humanumque genus evertat
modis omnibus et perturbet, faciente nequitia, amabilis
foederis unitatis et amicitiae singularis, quae inter saepe
dictam Romanam ecclesiam ac praefatum dominum
nostrum regem ac praedecessores ejus et regnum, ad
laudem Altissimi, in fidei christianae profectum, et tam
ecclesiae quam regis et regni exaltationis monimenta
felicia, hactenus viguerunt, dissolutioni et separationi lugubri
et flebili (proh dolor) porta patet, et insurgunt undique
frementia scandala, excrescunt angustiae, ecclesiis
ecclesiasticisque personis expositionis ac rerum et bonorum
direptionis pericula intentantur, cum jam abhorreant laici
et prorsus effugiant consortia clericorum, eos a suis om-
<< prev. page << föreg. sida << >> nästa sida >> next page >>
