Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
nino consiliis et allocutionibus abdicando, ac si contra eos
proditoriae factionis conscii vel participes exstitissent, et
ad contemnendam ecclesiasticam censuram et processus,
si quavis auctoritate forsan fierent contra eos, jam se
parant et muniunt, in grave periculum animarum et alia
varia et diversa pericula, quae nec lingua referre sufficeret
nec posset scriptura disserere; hinc in promptu ad
sanctitatis vestrae providentiam circumspectam in hoc summae
necessitatis articulo duximus recurrendum, flebilibus
vocibus et lacrimosis singultibus paternam clementiam
implorantes ac supplicantes humiliter, quod salubre
remedium in praemissis, per quod firmata tam longi decursu
temporis inter ecclesiam, regem et regnum fructuosae
unionis et mutuae dilectionis integritas in antiquae
caritatis dulcedine conservetur, status ecclesiae Gallicanae in
pulcritudine pacis et quietis optatae remaneat, prospiciatur
nobis nostrisque statibus, revocando vestrae vocationis
edictum, ac praedictis periculis et scandalis obvietur,
apo-stolicae providentiae studio ac paternae officio pietatis
dignemini providere.
Conservet Altissimus beatitudinem vestram ecclesiae
suae sanctae per tempora longiora.
Datum Parisius, die martis praedicta.
XV. Filip iv. — Kvarstad å bortresande prelaters
gods. — Paris, 18 okt. 1302.
Philippus, Dei gratia Francorum rex, baillivo
Aure-lianensi, vel ejus locum tenenti, salutem. Cum nos, regni
nostri his diebus utilitate pensata, deliberationeque super
hoc praestita diligenti, sub certis semel et iterum formis
districte duxerimus prohibendum, ne quis’ de incolis regni
nostri, certis rationibus et causis in ipsa prohibitione
contentis, ab eodem regno absque nostra speciali licentia exire
praesumeret quoquomodo; nonnulli nihilominus praelati,
abbates, priores, magistri in theologia doctoresque juris
canonici et civilis, ac aliae quaedam ecclesiasticae et se-
<< prev. page << föreg. sida << >> nästa sida >> next page >>
