Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
jutores possit recuperari et recuperata servari, necessarie
videntur orationes devote universalis ecclesie, que non
videntur haberi posse sine reformatione status universalis
ecclesie, qui inferius tangitur; et nisi vinculo pacis unita
tota respublica christicolarum ecclesie Romane obedientium
taliter uniatur, quod catholici cessent ab omnibus guerris
inter se invicem; ita quod, si aliqui contra hoc
commiserint, ex illa commissione et ob eam, recuperatio et
defensio Terre Sancte fortificetur, quod sic fieri poterit:
Convocato concilio, propter ardorem salutis Terre
Sancte, summa regalis experienda petere poterit per
dominum papam, principes et prelatos concordari et statui
taliter, quod quibuscunque dicentibus se passos injurias
secundum leges et consuetudines regnorum et regionum,
per judices in eis statutos, et ubi statuti non sunt,
infra-scripto modo statuendos, fiat celerius quam solitum est
justi cie complementum. Nullus catholicus contra
catholicos currat ad arma, nullus sanguinem baptizatum
effundat; quicunque preliare volentes, contra fidei Christiane
inimicos, Terre Sancte sanctorumque locorum Domini, non
contra fratres, occasionem corporalis et spiritualis
perditionis querendo, studeat preliare.
4. Quicunque autem contra hoc salubre statutum
guerram contra fratres catholicos movere presumpserint,
eo ipso omnium suorum bonorum omissionem incurrant,
cum omnibus auxilium eis facientibus, pugnando, victualia,
arma vel alia necessaria vite vel pugne qualitercunque
ministrando; superstites eorum, post guerram finitam,
cujuscunque etatis, conditionis et sexus, a terris et
possessionibus perpetuo fiant exules, et totaliter cum eorum
quacunque posteritate privati, in Terram Sanctam
populandam mittantur; de bonis, a quibus erunt privati, si
obediant et libenter intendant ad se transferendum in
Sanctam Terram, tradatur eis competenter, pro modo
impensarum ad iter peragendum quatinus erit necessarium.
Sic ergo guerram moventes, consilium et opem eis
qualitercunque scienter prestantes, cum eis communicantes
<< prev. page << föreg. sida << >> nästa sida >> next page >>
