Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
victualia quecunque, aquam, ignem et alia vite necessaria
quocunque modo ministrando, puniantur per dominum
papam, non excommunicentur, non anathematizentur, propter
fugiendum periculum salutis animarum, ne dampnatorum
numeras augeatur; longe melius erit eos temporaliter quam
eternaliter punire.
Pena temporalis, licet sine comparatione minor
aeterna, plus timebitur, plus proficiet Terre Sancte; minus
nocebit omnibus proximis et conjunctis dampnatorum.
12. Sed cum iste civitates et multi principes
superiores in terris non recognoscentes, qui justiciam facerent
de ipsis secundum leges et consuetudines locorum,
controversias movere captabunt, coram quibus procedent et
litigabunt? Responderi potest, quod concilium statuat arbitros
religiosos aut alios eligendos, viros prudentes et expertos
ac fideles, qui jurati [eligant] tres judices prelatos et tres
alios pro utraque parte, locupletes et tales, quod sit
verisimile ipsos non posse corrumpi amore, odio, timore,
concupiscentia, vel alias, qui convenientes in loco ad hoc
aptiori, jurati strictissime, datis antequam conveniant
articulis petitionum et defensionum singularum, summarie et
de plano, rejectis primo superfluis et ineptis, testes et
instrumenta recipiant, diligentissime examinent. Cujuslibet
testis examinatio per duos ad minus juratos fideles et
prudentes audiatur; scribantur depositiones et per judices
strictissime custodiantur, ne fraus et falsitas possint
intervenire.
Sic conveniant judices ad impensas moderatas partium
solvendas, quatinus plus impendent, quam essent in suis
domibus verisimiliter impensuri. Ad judicandum, si
expedierit, assessores habeant secundum eorum consciencias
fidelissimos ac peritissimos in lege divina et canonica et
civili.
Si altera pars de ipsorum sentencia non sit contenta,
ipsi judices pro omni lite processus cum sentenciis mittant
ad apostolicam sedem, per summum pontificem pro
tempore existentem emendandas et mutandas, prout et si ju-
<< prev. page << föreg. sida << >> nästa sida >> next page >>
