Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
1. Inprimis statuit praedictus rex Henricus de
consilio omnium baronum suorum, pro pace servanda et
justitia tenenda, quod per singulos comitatus inquiratur et
per singulos hundredos, per xn legaliores homines de
hundredo et per iv legaliores homines de qualibet
vil-lata, per sacramentum, quod illi verum dicent: si in
hundredo suo vel villata sua sit aliquis homo, qui sit rettatus
vel publicatus, quod ipse sit robator vel murdrator vel
latro vel aliquis, qui sit receptor robatorum vel
murdra-torum vel latronum, postquam dominus rex fuit rex. Et
hoc inquirant justitiae coram se, et vicecomites coram se.
2. Et qui invenietur per sacramentum praedictorum
rettatus vel publicatus, quod fuerit robator vel murdrator
vel latro vel receptor eorum, postquam dominus rex fuit
rex, capiatur et eat ad juisam aquae et juret, quod ipse
non fuit robator vel murdrator vel latro vel receptor
eorum, postquam dominus rex fuit rex, de valentia v
solidorum, quod sciat.
3. Et si dominus ejus, qui captus fuerit, vel dapifer
ejus vel homines ejus requisierint eum per plegium infra
tertium diem, postquam captus fuerit, replegiatur ipse
et catalla ejus, donec ipse faciat legem suam.
4. Et quando robator vel murdrator vel latro vel
receptores eorum capti fuerint per praedictum sacramentum,
si justitiae non fuerint tam cito venturae in illum
comitatum, ubi capti fuerint, vicecomites mandent propinquiori
justitiae per aliquem intelligentem hominem, quod tales
homines ceperint; et justitiae remandabunt vicecomitibus,
ubi voluerint, quod illi ducantur ante illos; et vicecomites
illos ducant ante justitias, et cum illis ducant de hundredo
et de villata, ubi capti fuerint, duos legales homines ad
portandum recordationem comitatus et hundredi, quare
capti fuerint, et ibi ante justitiam facient legem suam.
5. Et de illis, qui capti fuerint per praedictum
sacramentum hujus assisae, nullus habeat curiam vel
justitiam nec catalla, nisi dominus rex in curia sua coram
justitiis ejus, et dominus rex habeat omnia catalla eorum.
<< prev. page << föreg. sida << >> nästa sida >> next page >>
