Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
liamentum eodem modo, quo dictum est de civibus; sed
duo burgenses non solebant percipere pro expensis suis
per unum diem ultra decem solidos, et aliquando ultra
dimidiam marcam, et hoc solebat taxari per curiam,
secundum magnitudinem et potestatem burgi et secundum
honestatem personarum missarum.
De principalibus clericis parliamenti. —
Item, duo clerici principales parliamenti sedebunt in
medio justiciariorum, qui irrotulabunt omnia placita et
negotia parliamenti.
Et sciendum, quod illi duo clerici non sunt subjecti
quibuscumque justiciariis, nec est aliquis justiciarius
Ang-liae in parliamento, nec habent per se recorda in
parlia-mento, nisi quatenus assignata vel data fuit eis nova
potestas in parliamento per regem et pares parliamenti, ut
quando assignati sunt cum aliis sectatoribus parliamenti
ad audiendum et terminandum diversas petitiones et
querelas in parliamento porrectas; et sunt illi duo clerici
immediate subjecti regi et parliamento suo in communi,
nisi forte unus justiciarius vel duo assignentur eis ad
examinanda et emendanda eorum irrotulamenta, et cum pares
parliamenti assignati sunt ad audiendas et examinandas
aliquas petitiones specialiter per se, tunc, cum ipsi fuerint
unanimes et concordes in judiciis suis reddendis super
ejusmodi petitionibus, recitabunt et processum super
eisdem habitum et reddent judicia in pleno parliamento; ita
quod illi duo clerici principaliter irrotulent omnia placita
et omnia judicia in principali rotulo parliamenti et
eosdem rotulos liberent ad thesaurarium regis, antequam
par-liamentum licentietur, ita quod omni modo sint illi rotuli
in thesauraria ante recessum parliamenti, salvo tamen
eisdem clericis inde transscripto sive contrarotulo, si id
habere velint. Isti duo clerici, nisi sint in alio officio
cum rege et feoda capiant de eo, ita quod inde honeste
vivere poterint, de rege capiant per diem unam marcam
pro expensis suis per aequales portiones; nisi sint ad
mensam domini regis, tunc capient praeter mensam suam per
<< prev. page << föreg. sida << >> nästa sida >> next page >>
