Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
diem dimidiam marcam per aequales portiones, per totum
parliamentum.
De quinque clericis. — Item, rex assignabit
quinque clericos peritos et approbatos, quorum primus
ministrabit et serviet episcopis, secundus procuratoribus cleri,
tertius comitibus et baronibus, quartus militibus
comitatuum, quintus civibus et burgensibus, et quilibet eorum,
nisi sit cum rege et capiat de eo tale feodum seu talia
vadia, quod inde honeste possit vivere, capiet de rege per
diem duos solidos; nisi sint ad mensam domini regis, tunc
capiant per diem duodecim denarios; qui clerici scribent
eorum dubitationes et responsiones, quas faciunt regi et
parliamento, et intererunt ad sua consilia, ubicumque eos
habere voluerint; et, cum ipsi vacaverint, juvabunt
clericos principales ad irrotulandum.
De casibus et judiciis difficilibus. — Cum
briga, dubitatio vel casus difficilis, sit pacis vel guerrae,
emergat in regno vel extra, referatur et recitetur casus
ille in scriptis in pleno parliamento, et tractetur et
disputetur ibidem inter pares parliamenti, et, si necesse sit,
injungatur per regem seu ex parte regis, si rex non
intersit, cuilibet graduum parium, quod quilibet gradus adeat
per se, et liberetur casus ille clerico suo in scripto, et in
certo loco recitare faciant coram eis casum illum; ita
quod ipsi ordinent et considerent inter se, qualiter melius
et justius procedi poterit in casu illo, sicut ipsi pro
persona regis et eorum propriis personis ac etiam pro
personis eorum, quorum personas ipsi repraesentant, velint
coram Deo respondere, et suas responsiones et avisamenta
reportent in scriptis, ut, omnibus eorum responsionibus,
consiliis et avisamentis hinc inde auditis, secundum melius
et sanius consilium procedatur, et ubi saltem major pars
parliamenti concordet. Et si per discordiam inter eos et
regem et aliquos magnates, vel forte inter ipsos
magnates, pax regni infirmetur, vel populus vel patria
tribuletur, ita quod videtur regi et ejus consilio, quod expediens
sit, quod negotium illud tractetur et emendetur per con-
<< prev. page << föreg. sida << >> nästa sida >> next page >>
