Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
debet fieri proclamatio, primo in aula sive monasterio
seu aliquo loco publico, ubi parliamentum tenetur, et
post-modum publice in civitate vel villa, quod omnes illi, qui
petitiones et querelas liberare velint ad parliamentum,
illas liberent a primo die parliamenti in quinque dies
proximo sequentes.
De praedicatione ad parliamentum. — Unus
archiepiscopus vel episcopus vel magnus clericus
discretus et facundus, electus per archiepiscopum, in cujus
provincia parliamentum tenetur, praedicare debet uno istorum
primorum quinque dierum parliamenti in pleno parliamento
et in praesentia regis, et hoc quando parliamentum pro
majori parte fuerit adjunctum et congregatum, et in
sermone suo consequenter subjungere toti parliamento, quod
ipsi cum eo humiliter Deo supplicent et Ipsum adorent
pro pace et tranquillitate regis et regni, prout specialius
dicetur in sequenti titulo de pronuntiatione ad
parliamentum.
De pronuntiatione in parliamento. — Post
praedicationem debet cancellarius Angliae vel capitalis
justiciarius Angliae, ille scilicet, qui tenet placita coram
rege, vel alius idoneus, honestus et facundus justiciarius
vel clericus, per ipsos cancellarium et capitalem
justici-arium electus, pronuntiare causas parliamenti, primo in
genere, et postea in specie, stando; et inde sciendum est,
quod omnes de parliamento, quicumque fuerint, dum
loquitur, stabunt, rege excepto, ita quod omnes de
parliamento audire valeant eum, qui loquitur, et si obscure
dicat vel ita basse loquatur, dicat iterato et loquatur altius,
vel loquatur alius pro eo.
De loquela regis post pronuntiationem. —
Rex post pronuntiationem pro parliamento rogare debet
clericos et laicos, nominando omnes eorum gradus,
scilicet archiepiscopos, episcopos, abbates, priores,
archidia-conos, procuratores et alios de clero, comites, barones,
milites, cives, burgenses et alios laicos, quod ipsi
diligenter, studiose et corditer laborent ad pertractandum et
<< prev. page << föreg. sida << >> nästa sida >> next page >>
