Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
deliberandum negotia parliamenti, prout majus et
principalius hoc ad Dei voluntatem primo, et postea ad ejus
et eorum honores et. commoda fore intellexerint et
sentierint.
De absentia regis in parliamento. — Rex
tenetur omni modo personaliter interesse parliamento, nisi
per corporalem aegritudinem detineatur, et tunc potest
tenere cameram suam, ita quod non jaceat extra
mane-rium, vel saltem villam, ubi parliamentum tenetur, et
tunc debet mittere pro duodecim personis de majoribus
et melioribus, qui summoniti sunt ad parliamentum,
scilicet duobus episcopis, duobus comitibus, duobus baronibus,
duobus militibus comitatuum, duobus civibus et duobus
burgensibus, ad videndam personam suam et testificandum
statum suum, et in eorum praesentia committere debet
archiepiscopo loci, senescallo et capitali justiciario suo,
quod ipsi conjunctim et divisim inchoent et continuent,
parliamentum nomine suo, facta in commissione illa
expressa mentione adtunc de causa absentiae suae, quae
sufficere debet, et monere ceteros nobiles et magnates de
parliamento, una cum notorio testimonio dictorum
duodecim parium suorum; causa est, quod solebat clamor et
murmur esse in parliamento pro absentia regis, quia res
dampnosa et periculosa est toti communitati parliamenti
et etiam regni, cum rex a parliamento absens fuerit, nec
se absentare debet nec potest, dumtaxat nisi in casu
su-pradicto.
De loco et sessionibus in parliamento. —
Primo, ut praedictum est, rex sedebit in medio loco
majoris banci, et ex parte ejus dextra sedebit archiepiscopus
Cantuariensis, et ex parte ejus sinistra archiepiscopus
Eboraci, et post illos statim episcopi, abbates et priores
linealiter, semper tali modo inter praedictos gradus, et
eorum loca, quod nullus sedeat nisi inter suos pares; et
ad hoc tenetur senescallus Angliae prospicere, nisi rex
alium assignaverit: ad pedem regis dextrum sedebunt
cancellarius Angliae et capitalis justiciarius Angliae et
<< prev. page << föreg. sida << >> nästa sida >> next page >>
