Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
332
redigentis, maxime interesset, utrum lamellæ oviferæ
reperi-rentur necne, de pullis tantum hoc dicit, eos frequentes et 7
m. m. longos fuisse. Denique in quæstione sua de fabrica oris
haustellati Crustaceorum (v. horum Annalium III ser. vol. IV,
p. 198) alter nostrum, (Schiædte), pullum Cymothoæ CEstri stadii
secundi, bursam incubatricem relinquentem, descripsit, qui a
formå pullorum Cymothoarum adhuc notorum, imprimis antennis
valde productis ungulisque productis, profunde serratis pedum
prensoriorum, discrepat, et animadverti vult, hos pullos
secundum notas, quæ ad hoc tempus ratæ habitæ sint, potius
Cirolanas quam Cymothoas esse; itaque explorationem oris
diligentissimam summi esse momenti dicit.
Ut jam supra diximus, omnes formæ Cymothoarum in
prioribus stadiis evolutionis inter se valde similes sunt. Itaque
descriptio nostra evolutionis Ægidarum, quod quidem ad
summam rei pertineat, etiam in Cymothoas reliquas cadit, ut
in duabus illis aliis tribubus principalibus tractandis tantum
ea, quibus ab Ægidis abhorreant, indicare necesse sit.
Ova Ægidarum magna neque admodum frequentia sunt
(in Æga ophthalmica tredecim ova, 2 m. m. longa, invenimus).
Quum fecundata sunt, in bursam incubatricem, quam lamellæ
oviferæ eft’iciunt, illabuntur. Larvam stadii primi solam
Ro-cinelæ Danmoniensis Ægidarum novimus, quam una cum larva
secundi stadii e bursa incubatrice expromsimus. Inter formas
larvarum horum duorum stadiorum haud multum interest,
ut, exploratione diligentiore non adhibita, facile credas,
larvas utriusque stadii pariter aptatas esse ad libere natandum
et piscem petendum, cui adhæreant et quo pascantur. Sed
tantum tamen interest, ut larvæ stadii primi nullo modo
na-tare possint, quum et setæ antennarum pedumque trunci et
cilia pedum branchialium, annuli analis pedumque analium iis
desint. Quum igitur larva secundi stadii animal natans sit,
larva primi stadii tantum animal repens est et in bursa
incubatrice semper moratur, ubi, cibum non capiens, vitellum
consumit, quod per integumenta tenuia larvæ dilucide
per-spici potest. Larvæ duorum priorum stadiorum animali
<< prev. page << föreg. sida << >> nästa sida >> next page >>
