Norsk namneverk / 93 (1927) Author: Gustav Indrebø Table of Contents / Innehåll | << Previous | Next >>
	Project Runeberg | Catalog | Recent Changes | Donate | Comments? |

Full resolution (JPEG) - On this page / på denna sida - Sider ...

<< prev. page << föreg. sida <<     >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Stortinget den 9. mai 1885. Det var nettupp daa dei heldt
paa med maaldebattar. Dei hadde havt det store
ordskiftet um lærarskeid i norsk den 29. april og dagane deretter.
Og framlegget um maaljamstellingi kom upp just den 9.
mai. Difor er det vel at det mest ikkje vart noko ordskifte
um denne saki. Tilraadingi fraa Konstitusjonsnemndi vart
vedteki mot 29 røyster.

Denne gongen òg hadde namnesaki skapt avis-ordskifte.
O. J. Høyem skreiv i «Dagbladet» um «amternes navne».[1]
Han fyreslo atter fylke (ikkje lenger «storfylke») for
«amt», og for «amtmand» fyreslo han fylkesmand.
Fylkesnamni vilde han no ha soleis:

        Raumariksfylke

        Borgafylke (eller Vingulmark)

        Austoplandafylke

        Vestoplandafylke

        Sydoplandafylke

        Vestfoldafylke

        Telemarksfylke

        Austægdafylke

        Vestægdafylke

        Rogalandsfylke

        Hordalandsfylke

        Fjordafylke

        Mørafylke

        Uttrøndelagsfylke

        Inntrøndelagsfylke

        Haalogalandsfylke

        Senjafylke

        Finmarksfylke

Naar dei ikkje tok med «fylke», kom det daa til aa
heita: Senja, Haalogaland, Rogaland, Austagder,
Vestopland osb. Høyem skreiv at dersom dei i det heile skulde
røra ved amtsnamni, var det best aa taka heilt ut norske
namn med ein gong. Men fyrebils, skreiv han, fekk ein
vel stava etter danske maalreglar. Dei danske
maalreglane hev han like vel ikkje teke det so radt nøgje med.
Framlegget hans er mykje meir frigjort soleis enn baade
P. A. Munch sitt og hans eige ifraa 1878. I det store og
heile er lista hans i samsvar med dei namni som
læreboksforfattaren Hans Mo hadde nytta i ei skulebok i 1884:
«Geografi paa landsmaalet». Men Hans Mo hadde skrive
namni heilt paa norsk. Og for Raumarike og Borgafylke
hadde han brukt Akershus og Austfold.

Ein innsendar L. A. H. i «Dagbladet» nr. 83 (¹¹⁄₃) sagde
seg samd med Høyem. Men i staden for Borgafylke eller

<< prev. page << föreg. sida <<     >> nästa sida >> next page >>