De ut particula. Thesin apud philologos Hauniae a. 1892 congressos proposuit F. Gustafsson. In vestro coetu, V. D., haud sine causa mihi videor locuturus esse de ut particula latina; cuius usus varios philologus norvegus, Bastian Dahl, — decem abhinc sunt anni — diligentissime collegit, accuratissime descripsit atque, ut tum erant tempora, multis in rebus explicavit. Postea vero etiam magis intellectum est in omni linguarum disquisitione exeundum esse ex vivo sermone, qualis quidem omnis initio fuit sermo, in vivo autem sermone interrogativa pronomina interrogativasque particulas multo plus valere ac primis temporibus valuisse, quam ex scriptorum sermone et grammaticae regulis appareret. Itaque in ut particula explicanda ` iam pridem scholas meas audientibus solebam suadere, si qui usus ex traditis artis praeceptis minus commode enucleari videretur, ut explicationem ex interrogativa eius particulae significatione repetere conarentur. Cuius quidem significationis vim cum in Plauto lectitando experirer, in dies magis mihi persuadebam, ea posse non solum difficilioribus locis lucem reddi, sicut fulminis ictu tenebrae illustrarentur, sed etiam unde orti essent varii uí particulae usus rectius explicari quam cum ex relativa significatione profectus explicationem tentassem. In simili sententia versari post cognoveram Gutjahr-Probstium”, quantum ex libris, quos de ea re duos 1 B. Dahl: Die lateinische Partikel ut, Kristiania 1882. ? E. A. Gutjahr-Probst: Beiträge zur lateinischen Grammatik, Il, III, Leipzig 1883, 1888.