In Phoenissas Euripideam annotatiunculae, Scripsit Johannes Paulson. U. 98. Senex educator, postquam Antigonam exercitus ducesque Argiuos uidere desiderantem monuit, ne gynaeceo egrederetur, usque dum certiorem se fecisset nullum esse in uiis ciuem, his uerbis se quidquid uiderit exaudieritue, castra Argiuorum cum uiseret, narraturum esse promisit’: u. 95. . - πάντα ð ἐξειδὼς φοάσω ἅ τ᾽ εἶδον εἰσήκουσά T ᾿Αργείων πάρα, X > <, ~ ΄ , σπονδὰς ὅτ᾽ ἦλϑον σῷ κασιγνήτῳ φέρων u. 98. ἐνθένδ᾽ ἐκεῖσε δεῦρό T αὖ κείνου πάρα. U. 98 spurium duco. non enim modo prorsus superuacaneus uidetur, quod confiteor non satis esse causae, cur eum damnemus, sed etiam admodum molesta accuratione dicendi utitur, ut eius culpa oratio languescere uideatur. accedit, id quod summum est argumentum, quod falsa praebet”. nullam enim fidem publicam (σπονδάς) a Polynice retulit senex fratri matriue, quibus ne opus quidem fuit eius fide, cum ab insidiis tuti in urbe sua essent, quo cum iis collocuturus uenturus erat Polynices. licet etiam obseruare Polynicem solum in tragoedia fidei publicae beneficio uti: is u. 171 uocatur ἔνσπονδος, u. 273 ὑπόσπονδος dicitur: ' Sequor editionem Weckleinianam (Ausgewählte Tragödien des Euripides. V. Leipzig 1894). * Hoc uersu scholiasta inductus est ad credendum h. 1. agi non de fide publica ab Eteocle Polynici concessa, sed de condicionibus, quae inter exercitus Argiuum et Thehbanum constitutae sunt, ut ex uerbis eius apparet: ἐνθένδ᾽ ἐκεῖσε: ἀπὸ τῶν ἐνταῦϑα ἐκεῖσε καὶ ἀπὸ τῶν ἐκεῖϑεν δεῦρο (editionem Schwartzii, Berolini MDCCCLXXXVII, sequor). Nord. tidsskr. f. filol. 3die række. V. 1