In Phoenissas Euripideam annotatiunculae. 1 mihi licebit et altius rationes repetere et diligentius quae de hac re edisseruerunt uiri docti respicere. Sed ipse tragoediae ambitus, quippe qui omnes quae seruatae sunt tragoedias, Oedipo Coloneo Sophoclea una excepta, non paucis uersibus excedat, ueri non dissimile reddit tragoediam subditiciis uersibus auctam esse. nam si uersuum numeri, quos praebent tragoediae, inter se comparantur’, apparet tragoedias Aeschyleas* singulas — si Agamemnona, quae 1673 uersus continens tertia fere parte ceteras ambitu superat, excipimus — millenos fere septuagenos trinos habere uersus”, Sophocleis tragoediis singulis millenos fere quadringenos uicenos uersus tribui; sin autem Euripideas inspicimus tragoedias, uidemus singulis — omissis scilicet Cyclope, fabula satyrica, cuius uersus sunt tantum 709, et Rheso, quae paruo quoque uersuum numero, 996, suppositicia esse arguitur — eundem fere atque Sophocleis uersuum numerum tribui, millenos quadringenos tricenos singulos. sed omnium amplissima est Phoenissae, quae 1766 uersus continet. quae proxima est, Orestes, 1693 uersus praebet’. Hos numeros non ita affero, ut si inde pro certo colligere liceat tragoediam uersibus suppositis pluribus paucioribusue auctam esse. scilicet inter tragoedias sit, quae ceteras amplitudine excedat, necesse est. neque, ut iam uidimus, Phoenissae sola hunc ambitum nancta est. Oedipus Coloneus quidem Sophoclea eundem ambitum habet. sed haec attuli 1 Scilicet in hac comparatione id respicere non potui, si qui uersus in hac uel illa tragoedia suspecti habentur. ? Sequor Weilii editionem. 8. Ceteris pauciores uersus habet Eumenides (1047), plures Prometheus vinctus (1093). reliquae tragoediae uersuum numeros praebent, qui ut infra numerum 1080, ita supra numerum 1070 sunt. ^ Ceteras ambitu superat Oedipus Coloneus, cuius uersus sunt 1780. omnium breuissima est Trachiniae, quae numerum 1278 non excedit. ceterarum tragoediarum Oedipus rex 1530, Electra 1510, Philoctetes 1471, Aias 1419. Antigona 1353 uersus praebet (Dindorfium sequor). 3 Ceterae hunc ordinem seruant: Helena 1692, Iphig. Aulid. 1629, Io 1622, Iphig. Taur. 1499. Hippolytus 1466, Hercules furens 1428, Medea 1419, Bacchae 1392, Electra 1359, Troades 1332, Hecuba 1295, Andromache 1288, Supplices 1234, Alcestis 1163, Heraclidae 1055. (Nauckii editionem secutus sum.)