In Phoenissas Euripideam annotatiunculae. 17 Simile prorsus iudicium de tertia fabulae parte, quam in finem tragoediae congessit compilator, quae est de Antigona matrimonio cum Haemone iungenda, faciendum est. quod Eteocles Creonti praecipit, ut ei curae sint Antigona et Haemo nuptiis inter se iungendi, u. 757. γάμους δ᾽ ἀδελφῆς ᾿Αντιγόνης παιδός τε σοῦ Αἵμονος, ἐάν τι τῆς τύχης ἐγὼ σφαλῶ, ` AJ , σοὶ χρὴ μέλεσϑαι κτλ., id fit, ut ostendat poeta Eteoclem — qui, patre caeco intra claustra abdito, sororis collocandae arbiter erat — in bellum proficisceentem muneribus diligenter fungi neque suos negligere, non ut spectatorum animos ad hanc quoque rem in tragoedia ipsa disceptandam praeparet. simili modo cum Creonti etiam iniungit, ut matri, quae eadem Creontis soror esset, bene consulat, eo mandato filii erga matrem pietatem describit; nam poeta sane ipse bene nouit se in animo habere ita nodum tragoediae expedire, ut Iocasta mortem oppetat neque ei Creontis cura opus sit. quae cum ita sint, quae in fine tragoediae de Antigona cum Haemone nuptiis iungenda aliis rebus inserta leguntur, mihi uidentur Euripidi abiudicanda, cum praesertim qui hunc finem compilauit, omnibus his rebus congestis, ita se difficultatibus implicauit ut, quo modo nodum solueret, nesciret. itaque infelicissimum illud inuenit, ut Antigona, denuntians, si in matrimonium cogeretur, se ipsa nocte nuptiali leto coniugem daturam esse, nuptiis se solueret. quod inuentum Euripide dignum non est’. Sed ut iam supra dixi, hic tantum adumbraui, quae in uniuersum de fine tragoediae Phoenissarum sentio. singula hoc mandatum agmen claudere, quia non solum Creonti, sed et urbi detur (πόλει δὲ καὶ σοὶ), uelim obseruet u. 778, qui mandata excipit, nihil scire de urbe mandatum accipiente, ut apparet e uerbis: σοὶ μὲν τάδ᾽ εἶπον" προσπόλοις δὲ κτλ. ! Quod uideam, nihil obstat, quominus Euripides, in hac fabulae parte Sophocli proxime accedens, ut aliis ab eo discessit, sibi finxerit res hoc ordine sequi, ut primum Antigona patrem Colonum deduceret, tum, patre mortuo, Thebas rediret, Haemoni nuptura. sed de eiusmodi rebus coniecturas facere licet, uerum ut assequamur, si forte fit, id certis argumentis probare non possumus. Nord. tidsskr. f. filol. 3die række. V. 2