Annotationes criticae in Truculentum Plauti 99 commemoratos fuisse, non magis in prologis Asinariae et Trinummi explicantur argumenta, et quae hic desideratur actoris prologi abeuntis sollemnis spectatorum allocutio Vałete, etiam in prologo Aululariae deest (de Menaechmorum prologo res dubia est). Diniarchus adulescens mores meretricum describens haec loquitur (uu. 35 sqq.): Quasi in piscinam réte qui iaculúm parat — Quando ábiit rete péssum, adducit líneam ; Si inierit rete píscis, ne effugiát cauet; Dum húc, dum illuc réte uortit, ímpedit Piscis usque adeo, dónicum eduxít foras — Itidémst amator. lure Palmerium scriptura codicum in piscinam rete parat offendit, quare pro parat scribendum esse datat coniecit. At ne hoc quidem in piscinam rete datare Latinum est. Melius Ussingius, si scriptura mutanda sit, iacit seribi oportere censet. Sed meo quidem iudicio parat sanum est, in piscinam uitiatum, pro quo una littera deleta scribendum est in piscina. Neque enim hoc loco agitur, quid faciat piscator, quo temporis momento rete in piscinam iaciat, sed quo modo rete, cum pessum abierit, tractet. Paulo infra Diniarchus (uu. 51 .54.}: Iteca in aédibus lenóniis: Prius quam únum dederis, céntum quae poscát parat. Uersum lacunosum Schoellius deleuit, Ussingius sic mutauit: Ita nihil omnino in aedibus linquet suis (sc. amator), quod hoc loco non de lenone agi dicerent. Uerum aedes lenonias idem esse atque aedes meretricias ex Menaechm. 539: abire ab his locis lenoniis apparet, qua in fabula leno nullas partes agit. Lacunam bene sic suppleuit Spengelius: Itást amica in aédibus lenóniis. Aegre enim desideratur, unde subiectum uerbi parat audiatur. 7"