104 Christianus Mikkelsen: Huic hómini amanti méa era apud nos néniam dixit dé bonis. Nam fúndi et aedis óbligatae súnt ob amoris praédium. Versus causa Muellerus neniam ante mea era transposuit, quod opus non est, si eniam duabus syllabis legitur, qua de re inspiciantur quae ad u. 556 dicam. — Amoris praedium Spengelius amoris obligationem male interpretatur, nam neque praedium idem est atque obligatio, neque fundi et aedes pignori dantur pro amoris obligatione, sed pro ipso amore. Schoellius assentiente Leone amoris nomen proprium esse uult, sed quid Amoris praedium sit non patet. Ussingius obligatae sunt Amori praedium edidit; at fundi et aedes non Amori obligantur, sed iis, qui pecuniam. mutuam dant, neque praedium appositum ferri potest. Equidem οὐ amoris praedium uerum esse ratus sic explico, ut Astaphium pro ob amorem cum irrisione ob amoris praedium dicat, quasi amor praedium («fast ejendom») et non res uana sit. Genetiuus igitur definitiuus est. Stratullax seruus in Astaphium inuehitur, quod fores domini sui pultauerit. Tum haec sequuntur (uu. 259 sqq): Astaphium. Cómprime, sis, eiram. Stratullax. Éam quidem hercle tú, quae solita’s, cómprime, Ímpudens, quae pér ridiculum rústico suadés stuprum. Astaphium. Eíram dixi, sut decepisti, démpsisti unam lítteram. Sic in A scriptum est, in BCD uft esse cepisti. Muellerus ad sententiam bene coniecit ut tu accepisti. Sed quoniam eiram diæi, non eiram ego diæi praecedit, ću melius abest. Deinde vestigia Palatinorum magis ad uwt excepisti quam ad ut accepisti ducunt. Paulo infra Stratullax et Astaphium sic inter se colloquuntur (uu. 267 sqq.):