138 C. M. Zander: Anm. af Scaenicae Romanorum poesis fragmenta, tertiis curis recognovit Otto Ribbeck. Vol. I. Tragicorum fragmenta. Lipsiae 1897, Teubner. VIII + 8335 pp. Otto Ribbeckius, vir de reliquiis tragicorum latinorum et enarrandis et recensendis unus omnium optime meritus, nunc edi tionis facile parabilis beneficio grato studiis et litterarum et prisci sermonis latini multum adiumenti attulit. Enarrationem et recensionem intima societate contineri cum in omni re critica satis elucet tum ab Ribbeckio in hoc genere luculenter est comprobatum. vel ordinatio harum reliquiarum tota sita est in enarratione. sed quoniam haec fragmenta sparsa disiecta trunca exigua in magna versantur obscuritate, saepius nihil certi in hoc genere poterit erui. et Ribbéckius quidem cum aliter in libris de tragoedia Romana (die röm. Tragödie, Lipsiae 1875) aliter in editionibus multa ordinaret, ipse satis declaravit, non posse multis locis ad ordinem non modo certum sed ne probabilem quidem perveniri. sed idem tamen fere ordinem proximae editionis in tertia retinuit cum magno utentium commodo. Illud quoque caute et prudenter Ribbeckius quod certis fabularum titulis nullos subiunxit locos nisi qui ita ab antiquis nominantur. quodsi qui loci huius generis sine tragoediae nomine ab antiquis allati erant si probabilis erat coniectura ad quam fabulam quique locus referretur, id non modo in libris de tragoedia sed interdum etiam in adnotatione editionis indicavit. Apparatu critico Nonii, cuius codicibus plerique hi loci tragicorum traditi sunt, nonnumquam ita utitur Ribbeckius, ut videatur neglegere ac spernere quaedam ad cognitionem codicum Nonianorum nuper inventa. nam codicem Florentinum (F) quidem prae Harleiano (H) neglexit, cum in libris I—III quidem ab eo qui adhibeat codicem H etiam codicem F adhiberi eo magis oporteat quod post disputationem Onionsii vix potest dubitari quin Η 1 (1. e. manus prima codicis H) in his quidem libris nihil sit aliud nisi apographum codicis F. itaque ad Pacuvii 141 Non. 90. 11 «exemplo H» Ribbeckius adnotavit, quod rectius scripsisset exemplo F H. — Ace. 43 Ribbeckius «extinctas H», debuit scribere ezxtinctas F° H! E, nam Escurialensem quoque magis quam par fuit sprevit, qui codex certe non videatur dignitate inferior illo H', et F° (i. e. manus tertia codicis F) est gravissimus omnium quotquot extant de priore Nonii parte testium. — Naev. 10 Ribbeckius «quondam Η 1», debet esse quondam F°H'. — Pac. 205 «aut iam H», debet esse aut iam F° H. — Acc. 14 «atre H», debet esse atre ΕΗ 1ῈΕ. — Alia de codicibus Ribbeckius haec. Pac. 150 «quam rem q» (i. e. pars codicum Non. 123. 30) quod verius scripsisset quam rem ὦ (i. e. meliores omnes). et retineri poterit profecto hoc quam rem. nam Set med inceriat