Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Qu’il n’en vueille plus eugouler,
Tant les set la dougor bouler;
Car Lécherie si les pique
Qu’il en sunt trestuit ydropique.
Cil fluns cort si joliement,
Et mene tel grondillement,
Qu’il résonne, tabore et tymbre,
Plus soef que tabor ne tymbre:
N’il n’est nus qui cele part voise,
Que tous li cuers ne li renvoise.
jVIaint sunt qui d’entrer ens se
hestent
Qui tuit å l’entrée s’arrestent,
Ne n’ont pooir d’aler avant.
A peine i vont lor piés lavant,
Envis les douces iaues toichent
Combien que du flueve
s’aproi-chent·.
Un petitet, sans plus, en boivent;
Et quant la dougor apai-goivent,
Volentiers si parfont iroient,
Que tuit dedens se plungeroient.
Li autre passent si avant,
Qu’il se vont en plajn gort lavant
Et de l’aise qu’il ont se loent,
Dont ainsinc se baignent et noent.
Lors vient une ondée légiére
Qui les boute å la rive arriére,
Et les remet å terre seiche,
Dont tout li cuers lor art et eeiche.
Or te dirai de l’autre flueve,
De quel nature l’en le trueve.
Les iaues en sunt ensoufrées,
Ténébreuses, mal savorées,
Comme cheminées fumans,
Toutes de puor escumans;
N’il ne cort mie doucement,
Ains descent si hideusement
Qu il tempeste l’air en son oire
Plus que nul orrible tonnoire.
Sus ce flueve, que ge ne mente,
Zéphirus nule fois ne vente,
Ne ne li recrespit ses undes,
Qui moult sunt laides et
parfondes;
Més li dolereus vens de bise
A contre li bataille emprise,
Et le contraint par estovoir
Toutes ses undes å movoir,
Et li fait les fons et les plaingnes
Saillir en guise de montaingnes,
Et les fait entreus batailler,
Tant vuet li flueves travailler.
Maint home å la rive demorent,
Qui tant i sospirent et plorent,
Sans metre en lor plor fins ne
termes,
Que tuit se plungent en lor
lermes,
Et ne se cessent d’esmaier
Qu il n’es conviengne ou flun
naier.
Plusor en cest flueve s’en entre,
Non pas solement jusqu’au ventre,
Ains i sunt tuit enseveli,
Tant se plungent és flos de li.
Lå sunt empaint et débouté
Du hideus flueve redoute.
Maint en sorbist l’iaue et afonde,
Maint sunt bors reflati par l’onde;
Més li floz maint en asorbissent,
Qui si tres en parfont flatissent,
Qu’il ne sevent trace tenir
Par ou s’en puissent revenir;
Ains les i convient séjorner,
Sans jamés am ont retorn er.
Cis flueves va tant tornoiant,
Par tant de destrois desvoiant
O tout son venin dolereus,
Qu’il chiet ou flueve doucereus,
<< prev. page << föreg. sida << >> nästa sida >> next page >>
