Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Platonis et Xenophontis, ubi tot adolescentes inducuntur, ea
res prorsus non commemoretur. Nam si tum hic turn ille
adolescens, ut peripoli munus susciperet, urbem relinquere
cogeretur, vix intelligitur sermonem in eam rem nunquam
incidisse. Et in rpbl. Platonis, ubi certi labores certis annis
adolescentium assignantur, quum ad annos qui sunt ab anno
XVIII ad annum XX perventum est, peripolorum munus ne
verbo quidem attingitur, et contra legimus id biennium
exercitationibus gymnasiorum, quæ prorsus alia est res, dari
solere (p. 537 B). Sed certiora afferri possunt. — In colloquio
cum Glaucone instituto (Xen. Mem. III cap. 6) — qui tum
ea ætate erat, ut inter peripolos numerari deberet, nondum
enim annos XX expleverat — Socrates quum alia ab eo
quærit tum de castellis in confinio agri munitis quid existimet
(§ 10); adolescens confidenter respondet ea omnia tollenda
esse, quoniam negligenter custodiantur; deinde quærente
Socrato, num ipse castella adierit, Glauco, qui ut peripolus
ea bene nosse deberet, se e conjectura sola judicare fatetur,
et quidem non confusus conscientia officii relicti sed
intre-pide ut rem nihil ad se pertinentem fatetur. Quod si inter
peripolos versari illo tempore debuisset, Socrates certe non
omisisset eum jocose castigare, quod neglecto tam gravi
negotio in contionibus tempus tereret. Perspicuum igitur
est, hunc quidem adolescentem neque legibus neque more
fuisse constrictum, ut inter peripolos militaret.
Alterum exemplum e Lysiæ oratione XXI peti potest.
Enumerat ibi reus, quas liturgias inde ab eo anno, quo inter
viros receptus sit (anno ætatis octavo decimo), reipublicæ
præstiterit, et videmus eum ab ipso illo anno statim trierarchi
munere fungentem bello interesse (§ 1: ΐγω γΰο έδοχιμάσ&ψ
μέν έπΐ Θεοπόμπου αρχοντος (a. 411) — — —; § 2 τον δέ μεταξύ
χρόνον έτριηράρχουν επτά ετη (a. 411—405, Ut apparet e § 3
έπίιδτ δέ χατέπλευσα επ’ Αλεξίου αρχοντος [a. 405]). Itaque ne is
quidem unquam peripolus fuit, sed inde ab anno ætatis
octavo decimo extra fines militat. Quod si quis dicat, hunc
adolescentem non militis, sed trierarchi munere functum
esse, primum nihilo minus verum erit, eum peripolum per
illud biennium non fuisse; deinde equidem non puto hæc
15*
<< prev. page << föreg. sida << >> nästa sida >> next page >>
