Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
lestat en quoy vous me veez, je le pris pour veoir plus
seurement lestât et lordonnance du roy des Vices pour en
accointier le roy Modus et vous." Adonques se pensa la
Royne que elle lui trairoit de la bouche tout ce quil auoit
empensé. Si lui dist: „Amis, il nest riens que je ne feisse
pour vous, se en ce cas vous vouliez dire aucune chose qui
fust a lonneur et au prouffit de monseigneur et de moy.“
„Ma chiere dame, pour ce suis je venu a vous, ma
tres-chiere dame, de lestât au roy des Vices et des gens des
trois Estas [qui] en la cité de Maliferne sont, et a lui
viennent tant de gens des Vices quil nest homme (&) qui
les peust nombrer.“ „Comment, fait la royne, sont les gens
des trois Estas avecques le roy des Vices?" „Certainement,
dist le pelerin, ilz sont aliez auecques le roy des Vices, et
nont voulu tenir lordonnance du pape.“
Comment la royne Racio parle a Fausse-Amour.
Adonques fu la royne Racio moult courrouciee, et lui
demanda sil sauoit nulles autres nouuelles. ,,0il, ma chiere
dame, il me semble que, veue la maniéré comment ilz sont
logiez qui sont dehors la ville de Maliferne, et veu leur
gouuernement, que se le roy Modus leur couroit sus par
nuit ains quil fust jour, il en mettroit tant, a mort que ce
seroit merueille; car ilz boivent & senyurent en tele maniéré
que on les pourroit lier en tele maniéré les vns aux autres,
que ja ne sen esueilleroient, et ne font point (v°, a) de guet.
Et si est lissue de la ville tresmauuaise, et cest ce que
jestoie venu dire a monseigneur le roy pour la grant amour
que jay a vous.“ Adonc lui dist la royne: „Amis, je vous
demande se vous me veistes onques maiz qui auez tant fait
pour lamour de moy?“ „Vrayement, dist le pelerin,
madame, onques maiz ne vous vy; maiz le bien que j’ai oy
dire de vous le ma fait faire.11 „Or me dites, fait la
royne, quel gueredon auriez vous plus agreable de ce
que fait auez pour lamour de nous?" „Ma chiere dame,
je ne loseroye dire, se vous ne le mauiez demandé."
„Dites, dist la royne, hardiement ce que vous auez
em-pensé.“ Adoncques dist le pelerin moult couardement: „Le
<< prev. page << föreg. sida << >> nästa sida >> next page >>
