Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quasi unum corpus in plerosque recentiores transierunt.
Majores lacunae, velut in tertio de natura deorum libro,
multaeque minores omnibus codicibus, qui extant, communes
sunt. Egregium editionis fundamentum jecerunt Jo. Georg.
Baiterus, Carolus Halmius ceterique viri doctissimi, qui,
quum secundam editionem Orellianam praepararent, optimos
codices diligentissime contulerunt. Neque meliores codices
inventum iri sperare possumus, neque est, cur novam
eorundem collationem expectemus, nisi ut passim, quid prima
manu sit scriptum, quid postea correctum sit, sciamus.
Hoc codicum meliorum fundamento nituntur editiones
horum operum recentiores, secunda Orelliana, quam
curaverunt J. G. Baiterus et Car. Halmius, Lipsiensis
(Tauch-nitziana), quam curaverunt J. G. Baiter et C. L. Kayser
(Baiterus2), recentissima, quam curavit C. F. W. Mueller
(Teubneriana). Multos locos editores, tantummodo
consensum codicum meliorum secuti, emendaverunt, neque saepe
factum est, ut, quod in codd. est, aut non sit observatum
aut non intellectum, id quod Paradox. V § 33 accidit:
„Laudetur vero hic imperator aut etiam appelletur aut hoc
nomine dignus putetur. Imperator quo modo? aut cui
tandem hic libero imperabit, qui non potest cupiditatibus suis
imperare?" „Imperator quo modo?“ dictum est eodem
verborum ordine, quo in oratione pro Dejotaro § 24: „Alieno
autem a te animo quo modo fuit?“ In editionibus alterum
illud imperator omissum est et „quomodo aut cui —
imperabit" parum recte conjuncta.
De natura deorum III § 74: „Repete superiora, Tubuli
de pecunia capta ob rem judicandam, posteriora, de incestu
rogatione Peducaea. Tum haec cotidiana, sicae, venena,
peculatus; testamentorum etiam lege nova quaestiones. Inde
illa actio cett.“ Ita in codd. incorruptis et editionibus
antiquis est; mutavit Davisius: „legendum veneni, prout diserte
repraesentat MS Regius; subaudi quaestiones." Davisium
nimis patienter ceteri editores etiam recentissimi, tacite
plerumque, secuti sunt. Quis autem umquam dixit,
quaestionem sicae sive de sica esse habitam? Quaestio est
inter sicarios sive de sicariis, ut de veneficiis. Sequamur
<< prev. page << föreg. sida << >> nästa sida >> next page >>
