Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
confundere jam diu suetis, talis opinio arridere poterat),
jam Herodoti testimonio falsum esse demonstratur, quoniam
constat, Xerxem oppidum Abdera omnino non intrasse (VII,
109). Ne longum sit, cetera quæ de Protagora dicit scrutari
supersedeo. De Gorgia in ratione temporum graviter peccat,
quippe qui Gorgiam Periclis temporibus Athenas venire et
admirationem ejus advertere faciat, quum constet, illum
sophistam a. 427 demum a civibus suis Athenas missum
(Thuc. III, 86) et tum primum ab Atheniensibus auditum
esse (Piat. Hipp. maj. 282 B). Idem error Philostrati in
epist. 13 p. 919 recurrit, ubi dicit, Aspasiam Periclem
hortatam esse, ut ad exemplar Gorgiæ se conformaret {‘Annua In
x)\v τον ΙΙίριχΧέονς γλώτταν κατά τον Γοργίαν &rfeui λέγεται).
Jam satis multa dixisse mihi videor, ut planum fiat, nobis
cavendum esse, ne Philostrato temere credamus. Nunc ad ea, quæ
de Prodico et Xenophonte dicit, revertor. Aperte falsum est,
quod dicit Prodicum apud Lacedaemonios magno in honore
fuisse et adolescentes educandos ei traditos esse; nam quum
aliunde tum ex Hippia majore Platonico constat,
Lacedaemo-nios noluisse adolescentes aliter educari, atque more
majorum traditum esset (p. 284 B: ον πάτριον Λαχεδαιμονίοις . . .
ηαρα τα ε’ιω&ότα ηαιδεύειν τονς νέονς). Neque magis veri simile
est, Thebanos sapientiam et eloquentiam Prodici magnopere esse
miratos, quippe qui artem dicendi non magni facerent (Piat.
Symp. 182 B: αδύνατοι Uyeiv). Illud Lacedaemoniorum et
Thebanorum in sophistas studium a posterioris antiquitatis
hominibus fictum esse videtur, qui, quum assueti essent tres
magnas urbes Græciæ veteris sibi animo proponere,
perfacile adduci possent, ut, quum apud veteres scriptores
legerent, sophistas per „omnes“ urbes Graecas vagantes summo
hominum studio receptos esse, praeter Athenas Spartam et
Thebas potissimum significari putarent. Desinamus igitur
Philostrato, Thebanos sapientiae et eloquentiae fautores
fingenti, fidem tribuere, et Platonis testimonio fisi audeamus
negare, Prodicum Thebis in honore magno fuisse. — Restat,
ut explicemus, quemadmodum ea opinio oriri potuerit,
Xenophontem Thebis Prodici auditorem fuisse. Quoniam in
Xenophontis Memorabilibus fabula illa de Hercule a Prodico
<< prev. page << föreg. sida << >> nästa sida >> next page >>
