Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Verum sic efficitur. Xenophontem ante a. 450 natum esse!
Accedit, quod perquam dubium est, isne dialogus, de quo
h. 1. agitur, ab Æschine compositus fuerit; nam e Diogene
Laertio (II, 60 et 61) scimus, multos dialogos, qui sub
Æschinis nomine ferrentur, spurios fuisse et ex ipsis illis
septem, qui vulgo genuini haberentur, in quo numero est is,
qui Aspasia inscribitur, judicem locupletem Persæum,
discipulum Zenonis Stoici, plerosque ut spurios rejecisse; et
quoniam Athenæus (p. 220 a—b) illos dialogos fœdissimis
verbis, quæ non nisi apud comicos reperirentur, repletos
fuisse testatur, eo magis veri simile fit, Aeschinem auctorem
eorum non fuisse.
Postremo, quod in initio symposii Xenophontei legimus,
scriptorem ipsum illi convivio, quod a. 421 habitum esse
fingitur, interfuisse, certum argumentum ex his verbis
petendum esse vix quisquam sibi persuadebit; potest euim
scriptor hoc tantummodo ad fidem sibi faciendam dixisse.
Iis, quæ supra disputavi, id jam assecutus esse mihi
videor, ut appareat, quæ de ætate Xenophontis, externis
maxime testimoniis accitis, docere conatur Krügerus, fide
prorsus indigna esse. Restat igitur, ut ad ipsius
Xenophontis libros accedamus, e quo -fonte solo verum hauriri
posse videtur.
II.
Priusquam ad Anabasin veniamus, unde maxime sperare
videor certa quædam ad ætatem Xenophontis definiendam
erui posse, quippe ubi tam multa agens, tam multa dicens
inducatur, non inscitum erit examinare, nonne etiam e
M emorabilibus aliquid in usum nostrum acciri possit;
nam profecto mirum erit, si in tot sermonibus Socratis
coram Xenophonte habitis nullæ certæ notæ temporum
inerunt.
In hoc negotio eum ordinem sequi præstat, ut e
re-centissimo sermone ordiamur, deinde recedentem ordinem
annorum sequamur, donec ad eum annum pervenerimus,
quo certa significatio temporis desinat.
<< prev. page << föreg. sida << >> nästa sida >> next page >>
