Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quo tandem miraculo factum est, ut omnia, quæ de Socrate
memoria retineret, paucis illis postremis annis vitæ ejus
continerentur? Nonne multo probabilius erat, ea, quæ
prima adolescentia audisset, firmius in mente ejus inhæsisse,
quippe quæ nova et antea inaudita essent? Quemadmodum
fieri potuit, ut Xenophon, qui plerosque auditores Socratis
ingenio superaret, mutus et auditor tantum sermonibus
interesset? Nam modestia ejus factum esse, ut eos sermones,
quorum ipse partes sustinuisset, silentio præteriret, non
credo, quoniam unum sermonem ejus generis refert (I, 3,
8 sqq.)· Cur denique de Alcibiade et Critia nihil aliud
narrare potuit, quam quæ ab aliis audiverat, quum nihil
obstaret, quominus ipse hos homines cum Socrate
collo-queutes audire potuisset? Alcibiadem saltem, etiam
postquam consuetudinem Socratis anno ætatis suæ vicesimo
confecto reliquisset, interdum sermonibus Socratis interfuisse,
et e Platonis symposio et e Memorabilibus (I, 2, 47 ei
προσέλ&οιεν) conjicere licet.
At si audemus statuere, Xenophontem, quum Socratem
et Athenas relinqueret, adolescentulum paulo plus quam
viginti annos natum fuisse, omnia facillime explicantur. Et
hoc ipsum ex eo sermone, quem unum supra significavi
inter Xenophontem et Socratem habitum esse, planum facere
posse mihi videor. Dicitur enim Socrates (I, 3, 8 sqq.),
quum audisset Critobulum (filium Critonis) filio Alcibiadis
osculum dedisse, coram eo cum Xenophonte sermonem
instituisse, quo amatores puerorum castigaret; et quoniam
bic sermo a Xenophonte ut exemplum propositum est, quo
demonstraret, Socratem mores adolescentium formare conatum
esse (I, 3, init.), et Critobulum et; Xenophontem
adolescentes existimare cogimur (in hac re Krügerus mecum facit).
Jam videamus, num definire possimus, quo anno hic sermo
habitus sit. Quis fuit ille „Alcibiadis filius“? Hæc duo
verba enarratores mire torserunt. Alii prorsus tacent;
alii, ut Schneiderus, pro „filio“ legi volunt „fratrem“, credo,
quia in convivio Xenophonteo Critobulus Cliniam quendam
amans inducatur et fratri Alcibiadis id nomen fuerit; verum
frater Alcibiadis, quoniam pater anno 447 mortuus est,
<< prev. page << föreg. sida << >> nästa sida >> next page >>
