Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Cap. III.
De Lapponiæ cœlo, reliquaque
natura.
Situm vidimus Lapponiæ, nunc indolem ingeniumque
memoremus regionis ac terrarum. Docet autem
situs ipse, polo admodum vicinam esse. Ita fit, ut solem habeat
æstivis mensibus nonnullis non occiduum, & hybernis vice versa
nunquam orientem. Observavit pridem Zieglerus in libello de
regionibus septentrionalibus. Sol occidit illis locis & ducit noctem
unam, continuam, perpetuam per tres fere menses brumae. Quam hic
rationem ait noctis continuæ per tacitum tempus mensibus hybernis,
eadem est diei continui mensibus æstivis. Utriusque enim
rei similis est causa. Testaturque Petrus Claudi in Noruagiæ
descriptione cap.27. De sem der bo, hafvve om Sommar en paa nogen
maaneders tid altid dag, oc Kunde udi klart vvær see Solen saa vvel om
natten, som om dagen: oc om vvinteren nogen maaneder er idel morck
natt. hoc est. Qui habitant ibi, tempore æstatis per menses aliquot
diem habent continuum,& si purior est aër, solem æque nocturno cernunt
tempore, ac diurno; tempore vero hyemis per nonnullos menses mera
densaque nox est. Herberstenius quadraginta tantum dies ait Solem
non occidere. Dicebant etiam in ea regione quæ à feris Loppis
habitatur, Solem astivali solstitio quadraginta diebus non occidere, tribus
tamen noctis horis corpus Solis caligine quadam obductum, ut radii illius
non appareant eidem, tantumq; luminis nihilominus præbere, ut nemo à
labore suo tenebris excludatur. Nempe non ubique eadem Lapponiæ
est ratio, cum pars ejus polo sit vicinior, pars remotior. Sed &
ex his ipsis pars una magis versus Orientem, alia magis versus
Occidentem, ex quo fit, ut sint, qui ne quidem tot diebus Solem habeant
continue supra horizontem. Et si autem tempore æstivo infra
terras non descendat Sol, amen nec adscendit multum, verum partem
<< prev. page << föreg. sida << >> nästa sida >> next page >>
Project Runeberg, Mon Dec 11 19:51:46 2023
(aronsson)
(diff)
(history)
(download)
<< Previous
Next >>
https://runeberg.org/sjlapponia/0040.html
