Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
culturæ ac formandis agris, si quis etiam impendere operam, ac
sumtus facere proponeret. Censet equidem diversum Olaus Petri,
præsertim de Australi parte Palam, inquit c. 11. ostendere volo,
Laplandiam australem, quæ cum Bothnia eadem Zonæ parte, & sub iisdem
climatibus posita, eadem gaudere cæli clementia, & licet agricultarum non
exercet, tamen ad fruges ferendas non magis esse ineptam, quam
Bothniam Occidentalem. Verum ægre persuadet, cum cæli clementia
non sufficiat, nisi accedat & soli terræque, Salebrosam, arenosam,
lapidosam ipse etiam fatetur c. 12. Lappia inquit, in æstate salebrosa
& minime per via, alibi per aliquot miliaria est arenosa, densis pinis &
ericis obsita, alibi lapidosa, nunc paludes, nunc stagna montes succedunt,
invicem. Porro talis minime ad agros apta, urget tamen pascua
lætissime virentia. Sed ne ista quidem ratio videtur sufficiens.
Non enim terra quævis, quæ producit gramen copiosum, aratra
etiam & cultum cæterum admittit. Gramen tamen copiosum profert,
optimumque, quo facilius & citius saginantur pecora, quam
ullo alio: item herbas varias lætissimè virentes, quod ex verbis
Samuelis Rheen superius allatis patet. Quin imo compertum
successu incredibili, omne propemodum genus olerum ibi seri
felicissimè. Frutices quoque varii nascuntur ibi sponte sua. Item
Sylvæ crebræ profundæque, præsertim qua Norvagiam spectat, & in
pede montium, qui Lapponiam dividunt à Norvagia. Samuel
Rheen: Nedan fœr omrœrde fiell begynnes Skougland. Hoc est: In
parte inferiore prædictorum montium regio sylvestris suū capit initium.
Illud tamen speciatim observat, non densas esse sylvas illas, verum
rariores. doch ær det iche nœgon fast, uthan lœs skoug, ait; Hoc est;
Sylvæ tamen illæ non sunt constipatæ , verum infrequentioribus arboribus
consitæ. Montes cum rupibus creberrimi ac editissimi, maxime
Norvagiam versus, quam à Suecia dividit perpetuum eorum jugum.
Olaus Magnus lib. IV. c. 13. Tunt inter Septentrionalia regna
Sueciæ, ac Norvegiæ montes alti limitanei, Doffrini dicti, ac alij similes,
Samuel Rheen. Alle fiæll æro ganska hœga, och mehrendet & hiskeliga.
Pao dæsse fiell vvarar slætt ingen skoug Hoc est: Montes omnes
sunt prorsus alti, ad stuporem usq;, nec in cacuminibus eorum Sylvae
<< prev. page << föreg. sida << >> nästa sida >> next page >>
