Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
crescunt ullæ. Quod de nudis montium illorum docet cacuminibus,
id confirmat Petrus Claudi, caussamque conjicit in violentiam
ventorum, cui exposita sint illa cacumina. Verba ejus c. 26. pao dse
hoyeste fiæld ligger evvig snee, och vvinden falder dser sao haordt
pao, att dær kand ingen træd voxæ. Hoc est; In montibus editioribus
æternæ jacent nives, ventíq; tanta illis vi incumbunt, ut in ipsis
uarhor nulla possit crescere. Montes porro descendunt subinde in
valles amœnissimos. In his fontes lympidi plurimi, & rivi numero
incredibili. Rivulos Lapponia possidet innumeros, totidem & fontes,
ait Olaus Petri. Et Joh. Tornæus; Springande kællor ære hær
hopetals till finna, hvvilka mæchta reent och igenom klart vvaten giuta:
Hoc est; Salientes hic in magna copia, quæ fundunt aquas claras &
pellucidas. Hi deinde se exonerant in fluvios, sicut fluvii in lacus,
donec in sinum Bothnicum devolvantur. Samuel Rheen allestædes
finnas smao ælfvver, som lœpa neder af fiællen, och komma sao
tillsamman i stoora ælfvver. Hoc est: ubiq; rivi existunt
decurrentes ex jugis montium, qui deinde conveniunt in fluviis majoribus.
Aqua bona: Olaus Petri Niurenius c.9. Aquam quod attinet, ea
gaudent dulci, salubri, lympida, & optima. Lacubus & paludibus
abundant Sylvæ potissimum. Skoglandt ære monga træsk och siœœr,
ait idem, hoc est; in regione sylvestri plurimæ paludes sunt ac lacus.
Atque ista quidem sunt, quæ compendio commemorat & Andreas
Buræus de Lapponia in descriptione Sueciæ. Ita namque naturam
ejus delineat: Lapponia Septentrionalium provinciarum extrema,
regio est latissima, Sylvis, montibus, paludibus, lacubus, fluminibusq;
frequentissima. Agros nullos habet, pabula tamen, quibusdam in locis
largissima. Regio hæc vario ferarum animaliumque genere
abundat, non æstivis magis quam hybernis temporibus. Aves habet
plurimas. Pisces in tanta copia, ut non paucis incolarum soli fere,
sine aliarum rerum accessione, victum præbeant. Ferarum multitudo,
minutarum præsertim, pene incredibilis, & quæ non sufficit
ipsis ad usus quotidianos solum, sed & exercenda cum vicinis
gentibus omnibus prolixa commercia. De quibus omnibus seorsum
insequentibus dicetur. Id hic addimus, non esse aliam Biarmiæ
<< prev. page << föreg. sida << >> nästa sida >> next page >>
