Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ad rationem reipublicæ, in qua vivunt, ventum erit. De Norvagica
Danicave parte, item Russica vel Rhutenica agendi loco alio se
præbebit occasio. Illius partis solum exequemur hic divisionem, quæ
subjecta Sueciæ, meridionalis mediterraneaque dicitur Buræo. Petro
Claudi est Lappmarkia, proprie ac speciatim sic vocata. Hæc enim
in partes alias minores sex distingui solet, quas peculiari nomine
appellant Marker, idest, terras. Territoria, vel præfecturas reddere
Buræus maluit. Singulæ hæ marker, sive terræ suas habent &
peculiares appellationes, nam vocantur Aongermanlandslapmark,
Vmalappmark, Pithalappmark, Lulalapmark, Tornalapmark, Kiemilupmark.
Ita Samuel Rheen, c. 1. den Svvenska Lappmarken fœrdehlas i
Kiemi, Taohrnæa, Lulea, Pithea, Vmea och Aongermannelands Lappmarker.
Hoc est: Lapponia Suecica dividitur in Kiemensem, Tornensem
Lulensem, Pithensem, Vmensem, & Angermanlandensem, Lappmarkam;.
At vero Buræus quinque tantum ejuscemodi recenset præfecturas.
Hæc, ait de Lapponia, in quinque territoria vel præfecturas,
Lappmarkias vocatas, dividitur, videlicet, Vmalappmark,
Pithalappmark, Lulalapmark, Tornelapmark, & Kimilapmark. Nempe
Aongermanlandensem ipse comprehendit sub Umensi, cujus rei
causa, non quod una fit & eadem, sed quod utraque ab uno regi
soleat præfecto, atque sic pro uno territorio haberi. Cæterum ex
hisce præfecturis quælibet id nomen suum ex fluminibus accepit,
quæ per unamquamque decurrunt. Quod testatur Wexionius in
desc. Sueciæ lib. 1. c. 21, ubi ait: Lappi Suecia Regno tributarii in
quinque præfecturas, ex fluminibus denominatas dispescuntur. Situs earum
est ejusmodi, ut Angermanlandensis pręfectura sit vicina Angermanniæ
& Jemptiæ, hanc contingat Umensis, Umensem Pitensis, Pitensem
Lulensis, omnesque hæ sunt occidentaliores, unaque parte
pertineant ad id jugum montium, quo Suecia dividitur à Norvagia,
altera ad Bothniam occidentalem. Sequitur deinde Tornelapmark,
quæ Septentrionem spectat, & ab angulo extremo sinus Bothnici
se extendit longissime versus mare Boreale, quod à nautio
Noort Caep appellatur. Tornelapmarkiam excipit, quæ Kimilapmark
dicitur. Hæe flectit se ex Septentrione versus Orientem,
<< prev. page << föreg. sida << >> nästa sida >> next page >>
