Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
motionem, mutationem aut perculsionem. Sed si eas quis commoverit ad iram,
verbo asperiore aut inciviliore, digitum intenderit in eas, ludibrium
verba earum gestusve fuerit imitatus, ex inopinato eas attigerit, aut
scintilla subito in illas exsilierit, velut furor quidam animos eorum invadit,
in eum, cujus causa tale quidpiam evenit, irrunt, lacerant ejus crines,
verberant ipsum titionibus, aut obviis quibusque rebus aliis. Et
licet adesset spectatissimæ dignationis quispiam, non vererentur tamen ea
etiam in furore isto revelare, quæ natura voluit esse obvelata, uno
verbo similes sunt iis, quos morbus gravissimus omni rationis usu
penitus privavit. Notant quoque studium fallendi alios in eis, quod
fortassis ex his ipsis causis oritur. Nam doli, fraudes, & deceptiones
clanculariæ in magnum animum non cadunt quod jam olim
Aristoteli est demonstratum. Johannes Tornæus: fallere &
veritatem subticere, interdum contingit. Et alio loco, uthi all
bestællning æro dhe klooka och ill sluge, uthi handell bedragelige. Hoc
est: In omnibus negotiis sunt callidi & astuti, in commerciis
fallaces. Samuel Rheen; Lapperna æro i sin handell mykit
bedragelige. Hoc est: Lappones in negotiis suis admodum dolosi &
fraudulenti. Item fors respexit & Damianus, quándo sie de ipsis: In suis
permutationibus sagaces & expertissimi sunt. Nisi credimus fuisse
alios priscis temporibus. Nam Paulus Jovius de eis: Cum absentibus
& ignotis sincerissima fide permutationes transigunt. Firmat
idem etiam Olaus Magnus lib. IV. c. 5. ubi de Lapponibus. Hæc
gens Lapponum sine dolo omnia communicat, cui sola contentio est,
paupertatem fugere, & diutius non amare. Nesciunt populi illi esse
lucripetæ, ne se aliqua negotiationis calliditate disirutient. Et paulo
post; bonæ & fideli permutationi inhærent. Ac fortasse, postquam
decipi cœperunt, metu, ne decipiantur, ipsi alios decipiunt. Quod
non alienum est, ab ingeniis meticulosis, qui, quod semel instituerunt
metuere, student evitare quacunque possunt ratione. Jam ut
sunt dolosi, sic ad gaudium ex dolo propensissimi. Quod idem
Samuel Rheen docent istis verbis; Nær the them bedregit hafvva,
bespotta the them, hvvilka the saoledes bedragit hafvva. Hoc est:
Postquam eos fraude circumvenerunt, ultro irrident, quos sic
<< prev. page << föreg. sida << >> nästa sida >> next page >>
