Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Magnus scribit lib. 4. cap. 17. pia prævalente exhortatione
Catholicorum Sacerdotum magna pars sylvestrium hominum (sic vocat
Lapponas, ut alibi ostendi) inducta est, majorque spes oritur, ut à modo
sedatis alibi erroribus, unanimiter inducendi accedant ad religionem
Christianam, id quo loco sit habendum, & quo modo debeat
intelligi, vel ex superioribus cognoscitur. Quid aurem factum, postquam
Rex Gustavus venit ad imperium? Tunc ut cura major habita
religionis veræ, quam superioribus temporibus per regnum cæterum,
ita & per regiones Lapponum. Quo in primis conducebat, quod
cum ante Lappones essent tributarii Birkarlis potius, quam Regibus,
& propterea à Regibus negligerentur, à Gustavo revocati sint sub
curam atque dispositionem Regiam, ut dicetur amplius in
sequentibus. Tum enim institutum, ut de anno certis convenirent
temporibus, quibus ut tributa penderent regiis ministris, ita conciones
audirent iis ipsis locis, & in verbo divino erudirentur. Memorat
institutum ipsum Buræus in Desc. Sueciæ; Hyeme, inquit, cum
tributa ab illis exigenda sunt, certis quibusdam locis, certoque tempore,
quasi in hordas congregantur. Illo tempore Sacerdotes adsunt, qui
illorum infantes baptizant, articulosque fidei aliaque religionis
Christianæ exercitia Lapponibus proponunt, examinantque anno sequente, quod
priori illos docuerant, rationem poscentes Christianismi. Institum
hoc initium sumsisse sub Gustavo liquet, quia Reges ante ipsum
tributa nulla à Lapponibus capiebant, ac proinde nulla erat
tributorum causa congregatio eorum, nulli certi & statuti conventus. Sed
nec tale quidpiam ab Olao memoratur, quod non erat omissurus,
si fuisset receptum. Imo contra Lapponas tum, si qui vellent
baptizari liberos suos, fatetur coactos iter facere ad Ecclesias
Christianorum ducentis & pluribus miliaribus Italicis distantes ab ipsis.
Verba ejus sunt ex lib. 4. cap. 17. Distant ducentis & amplius miliaribus
Italicis ab Ecclesiis Christianorum, ad quas ob eam immensam distantiam,
rarius valent appropinquare. Verum tamen qui Christiano ritu sese
subdiderant, obedientissimi reperiuntur, licet ob prædictam distantiā semel aut
bis in anno suas visitent Ecclesias baptismales; liberosq; lactentes cophinis
seu corbibus impositos post tergum ligatos secum baptizandos comportent.
<< prev. page << föreg. sida << >> nästa sida >> next page >>
